Fréttir

Ný tækni við að nýta lághitajarðvarma

28.6.2018

Á Flúðum er verið að reisa nýja lághita jarðvarmavirkjun. Í virkjuninni er notast við nýja tækni við nýtingu lághita til framleiðslu rafmagns. EFLA er aðalráðgjafi í sambandi við nýtinguna á jarðvarmanum og hönnun á lagnakerfi virkjunarinnar. 

Á Kópsvatni er jarðhitahola sem gefur 116°C heitt vatn og flæði sem er 45 l/s. Lághitavirkjunin mun nýta um 40°C úr jarðhitavatninu og kæla jarðhitavatnið niður í 76°C, og framleiða rafmagn.
Það sem er einstakt við verkefnið er að verið er nýta jarðhita með nýrri tækni, framleiðslueiningunum, og framleiða rafmagn úr endurnýjanlegri auðlind.

Ný tækni

Tæknin (https://climeon.com/how-it-works/) byggist á tvívökva tækni en þá er jarðhitavatnið notað til að eima vinnuvökva sem er inn í einingunum. Vinnuvökvinn fer í gegnum hverfil sem knýr rafal sem býr til rafmagn. Tækni við tvívökvavirkjun er þekkt en þessar nýju framleiðslueiningar ná hærri nýtni úr lághita en hefur sést áður. Áður fyrr var talið óhagkvæmt að framleiða rafmagn úr lágvarma á Íslandi vegna lágs orkuverðs. Með þessum hætti er því bæði verið auka notkunargildi jarðhitasvæða og minnka sóun með því að nýta jarðvarma sem hefur áður fyrr verið talið óhagkvæmt að nýta.

Umfjöllun fréttamiðla

Þann 27. júní var svo haldin móttaka á Flúðum vegna formlegrar afhendingu nýrra aflvéla frá Climeon. Um 40 manns frá Svíþjóð og Japan voru mætt á svæðið ásamt ut­an­rík­is­viðskipta- og Evr­ópu­málaráðherra Svíþjóðar Ann Linde og utanríkisráðherra Íslands Guðlaugi Þór Þórðarsyni.