Kröflulína 3 – 220 kV háspennulína
Landsnet hefur lagt fram frummatsskýrslu fyrir Kröflulínu 3 til athugunar hjá Skipulagsstofnun.
Um verkefnið
Kröflulína 3 fer um þrjú sveitarfélög: Skútustaðarhrepp, Fljótsdalshérað og Fljótsdalshrepp. Áætluð lengd línunnar er 122 km og mun hún liggja að mestu samsíða Kröflulínu 2.
Markmið framkvæmdarinnar er að bæta raforkuflutningskerfið, auka stöðugleika og gæði orkuafhendingar á Norður- og Austurlandi áformar Landsnet að byggja 220 kV raflínu, Kröflulínu 3, frá nýju tengivirki við Kröflustöð að tengivirkinu við Fljótsdalsstöð.
Undirbúningur verkefnisins hefur staðið yfir um alllangt skeið. Tillaga að matsáætlun var kynnt í ársbyrjun 2013 og samþykkt síðar sama ár af Skipulagsstofnun með athugasemdum. Síðan þá hefur staðið yfir vinna við áframhaldandi skoðun valkosta, í samráði við Skipulagsstofnun, sveitarfélög og aðra hagsmunaaðila og gerð frummatsskýrslu þar sem áhrifum framkvæmdarinnar er lýst.
Í mati á umhverfisáhrifum framkvæmdarinnar er loftlína aðalvalkostur. Jafnframt er lagt fram mat á nokkrum jarðstrengskostum á línuleiðinni, m.a. á um 1.300 m löngum kafla þar sem línan þverar Jökulsá á Fjöllum innan Vatnajökulsþjóðgarðs í samræmi við stefnu stjórnvalda um lagningu raflína og að auki á nokkrum lengri köflum á svæðum sem falla utan viðmiða í stefnunni.
Í frummatsskýrslunni er lagt mat á þætti eins og gróður, fuglalíf, jarðmyndanir, fornleifar, náttúruvernd, neysluvatn og vatnsvernd, útivist og ferðamennsku, landnotkun á afrétti, áhættu og öryggismál.
Kynning frummatsskýrslu
Tillaga að ofangreindri framkvæmd og skýrsla um mat á umhverfisáhrifum hennar liggur frammi til kynningar frá 16. mars til 5. maí 2017 á eftirtöldum stöðum: Á bókasafninu á Egilsstöðum, á Amtsbókasafninu á Akureyri á sveitarskrifstofum Skútustaðahrepps, Reykjahlíð og Fljótsdalshrepps, Végarði og bæjarskrifstofum Fljótsdalshéraðs, Egilsstöðum, í Þjóðarbókhlöðunni og hjá Skipulagsstofnun.
Frummatsskýrslan er aðgengileg á vef Skipulagsstofnunar, á vef Landsnets og hér fyrir neðan á vef EFLU.
Athugasemdafrestur
Athugasemdafrestur er liðinn.
Skjöl
Matsskýrsla
MatsskýrslaViðaukar
Viðaukar með matsskýrsluMynda- og kortahefti
Sýnileiki og myndstaðirLoftmyndakort
Fornleifa- og gróðurkort
Líkanmyndir
Tillaga að matsáætlun
Tillaga að matsáætlun
Kort
Ákvörðun Skipulagsstofnunar