Hönnun og rekstur orkuvera og raforkuflutningskerfa er flókið viðfangsefni sem krefst mikillar sérfræðiþekkingar og reynslu auk þess sem taka þarf tillit til áhrifa slíkra mannvirkja á umhverfið.

EFLA hefur yfir 30 ára reynslu í orkugeiranum og hefur sinnt verkefnum í um 30 löndum, oft á stöðum þar sem aðstæður eða veðurfar gera verkefni erfið viðfangs.

Fyrirtækið hefur skipað sér í fremstu röð ráðgjafa á sviði raforkuflutningskerfa og við nýtingu endurnýjanlegra orkugjafa.

Orkusvið EFLU veitir heildstæða verkfræðiráðgjöf við hönnun og byggingu raforkuvera og flutningslína auk ráðgjafar við ýmis önnur sérhæfð verkefni í orkumálum og er áhersla lögð á hagkvæmar og umhverfisvænar lausnir.

Með sérhæfingu getur Orkusvið veitt traustar og heildstæðar lausnir við hönnun og rekstur orkuvera og flutningskerfa, í umhverfismálum, jarðtækni, landmælingum, og séð um verkefnastjórnun

Áralöng starfsemi EFLU erlendis hefur leitt til þess að stofnuð hafa verið fyrirtæki sem sinna orkumálum, oft sem hlutdeildarfélög, í Frakklandi (Hecla), Póllandi (Ispol), Tyrklandi (Turkison), Rússlandi (Addison) og Noregi (EFLA A/S). 

Þjónusta orkusviðs EFLU felur m.a. í sér:

• Orkumálaráðgjöf, gagnavinnslu og gagnastýringu
• Gerð orkuspáa
• Greiningu raforkukerfa og áætlanagerð
• Mat á gæðum raforkuafhendingar
• Hönnun orkuflutningskerfa
• Hönnun tengivirkja
• Hönnun eða endurnýjun vatnsaflsvirkjana
• Hönnun jarðvarmavirkjana og veitna
• Ráðgjöf varðandi rekstur orkumannvirkja
• Mat á umhverfisáhrifum
• Véla- og varmaverkfræði