Síbreytilegt umhverfi og kröfur til verkfræði krefst þróunar á aðferðum og lausnum sem tæknifyrirtæki eins og EFLA beitir í þágu viðskiptavina sinna. Rannsóknir og nýsköpun eru mikilvægur og vaxandi þáttur í starfsemi EFLU. Virk þátttaka í rannsóknum ásamt faglegri mælingastarfsemi og vottaðri rannsóknastofu eru meðal þess sem við leggjum af mörkum til að ná fram því takmarki okkar að vera í fararbroddi á sviði tækni og vísinda.

Til að leggja áherslu á nýsköpun og rannsóknir er sérstakt RANNSÓKNAR OG NÝSKÖPUNARSVIÐ EFLU. Innan þessa sviðs fyrirtækisins starfa verkfræðingar, vísindamenn og tæknifólk ásamt öðru því fagfólki sem til þarf svo að hægt sé að bjóða viðskiptavinum upp á sérhæfða tækniþjónustu á hæsta gæðastigi.

Til þessa sviðs heyrir Rannsóknarstofa EFLU. Hún hefur sérhæfða rannsóknaraðstöðu og er vel tækjum búin til að sinna mælingum og leysa verkefni á fjölþættum sviðum. Verkefnin eru ýmist unnin sjálfstætt eða í samstarfi við aðra, til að mynda rannsóknastofnanir, háskóla, fyrirtæki eða aðra þá sem sérþekkingu hafa á viðkomandi sviði.

Áherslusvið og sérhæfing Rannsóknarstofu EFLU eru meðal annars:

• Efnagreiningar á vatni
• Gasgreiningar, mengun og landfyllingar
• Jarðefnagreiningar
• Jarðtækni
• Jarðvegsgreiningar og mengun
• Rennslisgreiningar og umhverfistækni
• Steinsteyputækni