Samgöngur á landi og ótal tækni- og verkfræðilegar lausnir í þeim efnum eru meðal umfangsmestu úrlausnarefna samfélagsins.

EFLA hefur lengi staðið fyrir þaulreyndri en líka nýstárlegri ráðgjöf á þessu sviði og boðið fram traustar, hagkvæmar og sveigjanlegar lausnir.  Nokkur verkefna Samgöngusviðs hafa unnið til verðlauna.

Samgöngusvið EFLU leggur metnað í að veita viðskiptavinum alhliða þjónustu til að auka öryggi og skilvirkni í umferðinni, hvort sem það á við vélknúin ökutæki, reiðhjól eða umferð gangandi fólks.  Ráðgjöf sviðsins er altæk hvort sem er í umferðartækni, skipulagi umferðar, hönnun mannvirkja, tillögum um aukið umferðaröryggi og við ráðgjöf um viðhald gatna.

Starfsmenn Samgöngusviðs hafa verið virkir í almennri umræðu um umferðarmál og umferðaröryggi og staðið fyrir fjölmörgum rannsóknarverkefnum, ásamt því að birta greinar í fagtímaritum og blöðum.

Þjónusta Samgöngusviðs EFLU innifelur m.a.:

• Brúahönnun
• Hönnun vega og gatna
• Landmælingar
• Umferðarskipulag
• Umferðartækni
• Umferðaröryggi