EFLA starfar samkvæmt vottuðu gæðakerfi (ISO 9001), vottuðu umhverfisstjórnunarkerfi (ISO 14001) og vottuðu öryggisstjórnunarkerfi (OHSAS 18001). Í gæðakerfi fyrirtækisins kemur fram stefna þess á afmörkuðum sviðum, þar á meðal gæðastefna, mannauðsstefna, jafnréttis- og fjölskyldustefna og umhverfis-, öryggis- og samgöngustefna.

EFLA hefur vistvænan hátt á öllum rekstri í samræmi við ISO 14001-vottun fyrirtækisins. Stjórnkerfið felur í sér greiningu og mat á helstu starfsþáttum sem hafa áhrif á umhverfið og miðast við að lágmarka eða koma í veg fyrir neikvæð umhverfisáhrif, jafnt í daglegum rekstri og þjónustu sem innkaupum.

Í samræmi við stefnu EFLU að vera leiðandi í umræðu um umhverfisvæna valkosti hefur EFLA nú skrifað, fyrst verkfræðistofa á Íslandi, undir sáttmála Nordic Built sem hvetur til þróunar á samkeppnishæfum lausnum í vistvænni mannvirkjagerð.
Markmið Nordic Built verkefnisins er að byggingamarkaðurinn sameinist um að nýta sérþekkingu sína til þess að mæta aukinni eftirspurn eftir vistvænni mannvirkjagerð í heiminum, vera leiðandi í nýsköpun, grænum hagvexti og velferð.

Gildi fyrirtækisins eru: Hugrekki-Samvinna-Traust.