Hljómburðarhönnun
Hljómburður, Hljóðvistarhönnun, Hljómur, Hljóð, Hljóðvistarsvið
Góður hljómburður er einn af þeim þáttum sem hefur hvað mest áhrif á nýtingu rýmis og ánægju notenda. Hljóðráðgjafar EFLU hafa mikla reynslu og þekkingu af hljóðhönnun mannvirkja og veita ráðgjöf varðandi hljóðkerfi og samspil þeirra við hljómburð rýma.
Tengiliður
- Guðrún Jónsdóttir Hljóðverkfræðingur M.Sc. Sími: +354 412 6094 / +354 665 6094 Netfang: gudrun.jonsdottir@efla.is Reykjavík
Með góðri hljóðvistarhönnun er tryggt að hljómburður rýmis hæfi notkun þess. Í fundar- og ráðstefnusölum er til að mynda mikilvægt að talað mál berist rétt og vel. Þá hefur hljómburður tónlistarrýma mikil áhrif á notagildi þeirra, bæði hvað varðar upplifun fólks og nýtingu rýmisins.
Starfsfólk EFLU hefur yfir að ráða mikilli þekkingu og reynslu í hljóðhönnun bygginga af öllum stærðum og gerðum hvort sem um er að ræða nýbyggingar eða endurbætur á þegar byggðu húsnæði.
Góður hljómburður er lykilatriði
Rétt hljómburðarhönnun hefur mikil áhrif á nýtingu rýmis og upplifun fólks og ánægju þeirra í viðkomandi rými/stað.
Fyrsta flokks tækjabúnaður
Við hljómburðarhönnun er notaður fyrsta flokks hugbúnaður til líkanútreikninga. Þrívíddarlíkan er sett upp í hugbúnaðinum Odeon Combined til að tryggja að hljómburður verði eins og best verður á kosið.
Með hugbúnaðinum fást upplýsingar um ómtíma rýma, orkudreifingu og skýrleika talaðs máls, svo fátt eitt sé nefnt. Einnig er hægt að hlusta á hljóðbrot sem lýsir hljómburði rýmisins og þannig hægt að bera saman mismunandi hljóðlausnir og aðgerðir.
Með réttri hönnun tryggjum við góðan hljómburð með réttum áherslum fyrir sérhvert rými og verkefni.
Í okkar huga er ekkert verkefni of stórt eða of lítið.