BrýrBrýr

EFLA hefur víðtæka reynslu af hönnun brúa og innan fyrirtækisins er starfrækt sérhæft teymi verkfræðinga sem leysir brúarverkefni á öllum verkefnisstigum. Það felur m.a. í sér frumdrög hönnunar, endurbætur, viðhald og styrkingar á brúm sem hafa verið lengi í notkun. Við hönnun nýrra brúarmannvirkja hjá EFLU eru þrjú meginatriði höfð að leiðarljósi: öryggi, ásýnd og hagkvæmni. Í allri okkar hönnun reynum við að tefla fram valkostum sem bæði eru hagkvæmir í byggingu og rekstri en einnig í samræmi við væntingar verkkaupa. Með nánu samstarfi við arkitekta er áhersla lögð á að brýr falli vel að umhverfi sínu og neikvæðum umhverfisáhrifum haldið í lágmarki.

• Brúarverkfræðingar EFLU eru reynslumiklir og hafa unnið að stórum verkefnum á Norðurlöndum. Meðal verðlaunaverkefna EFLU eru:
• Hringbrautargöngubrýrnar
• Brú yfir Mjóafjörð
• Göngubrú yfir Markarfljót (samkeppni)
• Alda, brú yfir Fossvog (samkeppni)

Auk brúarráðgjafar vinnur EFLA að rannsóknarverkefnum varðandi eftirfarandi:

• Stauraundirstöður
• Markmiðasetningu fyrir kolefnisspor brúa
• Brýr í hringrásarhagkerfi
• Ástand spennikapla í eftirspenntum brúm
• Tæringu stálvirkja á Íslandi
• Þolhönnun á stálþiljum

• Frumdrög brúa á ýmsum skipulagsstigum
• Forhönnun og verkhönnun brúa
• Greining á burðargetu brúarmannvirkja í rekstri
• Ástandsskoðun stálvirkja og steypuvirkja
• Hönnun styrkinga fyrir brýr, m.a. úr koltrefjum
• Hönnun endurbóta á brúarköntum, vegriðum, slitlagi og tæringarvörnum brúa
• Hönnun vöktunarkerfa og titringsmælingar

Við hjá EFLU fylgjum þremur stoðum sjálfbærni í öllu sem við gerum: hagkvæmni, félagslegum ávinningi og minnkun umhverfisáhrifa. EFLA er stöðugt að þróa og beita nýjum aðferðum í brúarverkfræði með þessar meginreglur að leiðarljósi til hagsbóta fyrir viðskiptavini og samfélagið. Fagleg nálgun EFLU og sérfræðiþekking tryggir hnökralausa afgreiðslu verkefna og öruggar brýr sem standast tímans tönn.