Landupplýsingar og Gagnaland

Granni, kortakerfi, kortagrunnur

Gögn sem tengja saman staðsetningu og upplýsingar eru kölluð landupplýsingar. Þau gögn má nýta til að geyma og miðla upplýsingum um t. d. innviði, samfélag, umhverfi. Landupplýsingar eru mikilvægar til að styðja stefnumótun og starfsemi stjórnvalda á ýmsum sviðum s. s. við eignaskráningu, skipulagsmál, vöktun náttúruvár, orkumál, náttúruvernd, rannsóknir og opinberar
framkvæmdir

Tengiliðir

Hvað er Gagnaland?

Gagnaland er heildstæður og opinn (open source) gagnagrunnur sem heldur utan um landupplýsingagögn fyrir sveitarfélög, stofnanir og einkaaðila. Gögnin eru hýst á miðlægan og skipulagðan hátt og eru miðluð til almennings, verktaka, þjónustuaðila og starfsmanna, t. d. í gegnum kortavefsjá eða á því formi sem óskað er eftir.

Hér má sjá dæmi um kortavefsjá sem er tengd Gagnalandi og sýnir kosti þess að hýsa allar landupplýsingar á einum stað. Í gegnum Gagnaland geta sveitarfélög miðlað til allra aðila mikilvægum upplýsingum um skipulag og framkvæmdir, sýnt legu veitulagna, merkt lausar lóðir til úthlutunar, birt mæliblöð og teikningar af húsum, sýnt þjónustu til íbúa eins og snjómokstur, sorphirðu og margt fleira.

Gagnaland hentar einnig einkaaðilum og fyrirtækjum til gagnahýsingar, -varðveislu og -miðlunar innan fyrirtækisins. Í gegnum Gagnaland er hægt að miðla gögnum til þriðja aðila, t. d. vefsjá Árborgar og til allra þeirra sem þurfa á gögnunum að halda á því gagnaformi sem hentar.

Fyrir hverja er Gagnaland?

Gagnaland hentar þeim sem kjósa örugga varðveislu gagna sinna. Sveitarfélög, fyrirtæki og stofnanir eru áskrifendur Gagnalands og nýta sér hina ýmsu möguleika sem Gagnaland hefur upp á að bóða - sér til hagræðingar

Bætt aðgengi að upplýsingum

Gagnaland gerir viðskiptavinum kleift að miðla upplýsingum á einfaldan og gagnvirkan hátt í gegnum vefinn og spara sér þannig ófá símtöl og vinnu við að dreifa gögnum handvirkt. Með Gagnalandi er stuðlað að auknu aðgengi almennings og þjónustuaðila að viðeigandi upplýsingum og gögnum sveitarfélagsins, fyrirtækisins og einkaaðila. Með notendastýrðum aðgangi og miðlægri vistun gagna er einnig stuðlað að betra utanumhaldi gagna og auknu aðgengi starfsmanna að mikilvægum upplýsingum.

Hvað kostar áskrift að Gagnalandi?

Gagnaland er að hluta sérsniðið að hverjum notanda þar sem óskir og þarfir þeirra fyrir vistun og miðlun landupplýsinga eru ekki alltaf þær sömu. Kostnaður við innleiðingu og notkun á Gagnalandi er í samræmi við umfang innleiðingar og snýr einna helst að birtingu á gögnum, eðli upplýsinga og virkni sem hver viðskiptavinur óskar eftir.

Hægt er að velja á milli mismunandi áksriftaleiða. Vinsamlegast hafið samband við tengiliðina Friðþór Sófus Sigurmundsson og Claudia Schenk fyrir nánari upplýsingar. 


Tengd þjónusta

Var efnið hjálplegt? Já Nei