EFLA fæst við mörg svið umhverfismála og ýmsa þætti náttúrunnar og er ljóst að fáir þættir verkfræði og þekkingar vekja eins mikla athygli almennings og umhverfismál í sínum mörgu myndum.

Umhverfissvið EFLU sér viðskiptavinum sínum fyrir áreiðanlegri fagráðgjöf á sviði umhverfismála, hvort sem verkefnin eru í lofti, á láði eða legi, eða snerta skipulag þéttbýlis eða dreifbýlis, náttúruvernd eða jarðtækni, svo eitthvað sé nefnt.

EFLA hagnýtir þverfagleg teymi til þess að veita gæðaþjónustu við lausn flókinna verkefna eins og vistferilsgreiningu (LCA), mat á umhverfisáhrifum og ráðgjöf við meðhöndlun úrgangs, jarðvinnu og jarðgangagerð.

Innan umhverfissviðsins starfar reynt lið sérfræðinga í verkfræði, tæknigreinum, jarðfræði, efnafræði, landafræði, vistfræði, umhverfisvísindum og skipulagi. Sérfæðingarnir samtvinna nýjustu hugbúnaðarlausnir við ráðgjöf, rannsóknir og mælingar. Rannsóknarstofa EFLU gegnir mikilvægu hlutverki við umhverfisvöktun og jarðtæknirannsóknir sviðsins og auðveldar að traustar og hagkvæmar lausnir séu til reiðu.