Jarðstrengslagnir fyrir Fitjalínu 2
EFLA undirbjó og hannaði 132 kV jarðstrengslagnar milli Fitja og Helguvíkur á Reykjanesi. Um var að ræða tengingu á nýju tengivirki Landsnets sem sér kísilveri United Silicon fyrir raforku.
Um hvað snýst verkefnið
Verkefnið gekk út á að leggja um 8,5 km langan 132 kV jarðstreng frá tengivirkinu við Fitjar að nýju tengivirki í Helguvík.
Hlutverk EFLU var að sjá um skipulags- og leyfismál, jarðkönnun og val og hönnun á lagnaleið. Að auki sá EFLA um yfirferð tilboða og ráðgjöf á verktíma.
Verkið var unnið í góðu samráði við Reykjanesbæ, Garð og Isavia. Miklar kröfur voru gerðar til vinnu verktaka og yfirborðsfrágangs í verklok.
Lagnaleiðin var mjög krefjandi þar sem hún liggur í byggð og fjöldi lagna og gatna sem þurfti að þvera því mikill, þar með talin Reykjanesbraut. Að auki lá lagnaleiðin um verndarsvæði Keflavíkurflugvallar þar sem strangar aðgangstakmarkanir gilda.
Hlutverk EFLU
- Skipulags- og leyfismál, auk samskipta við hagsmunaaðila
- Verkhönnun
- Jarðkönnun
- Hönnun jarðvinnu og útdráttar
- Aðstoð á útboðstíma
- Ráðgjöf á verktíma, aðstoð við verkeftirlit