Raforkuspá
Raforkuhópur orkuspárnefndar vann að gerð raforkuspáa sem gefnar eru út á um fimm ára fresti auk þess sem spárnar eru endurreiknaðar árlega út frá nýjum gögnum um orkunotkun og þróun.
Um hvað snýst verkefnið
Áætluð er raforkunotkun hér á landi til almennrar nota og núverandi orkufreks iðnaðar fram til ársins 2060 og er notkunin greind niður á forgangs- og skerðanlegan flutning. Notkunin er áætluð sérstaklega fyrir hvern landshluta fyrir sig auk landsins alls. Til grundvallar orkuspánni eru lagðar forsendur um þróun mannfjölda, fjölda heimila, landsframleiðslu og framleiðslu einstakra atvinnugreina.
Raforkunotkunin fylgir breytingum í framleiðslumagni atvinnuveganna en einnig er búist við að notkunin breytist vegna tækniframfara. Notkuninni er skipt niður á sex flokka auk dreifi- og flutningstapa. Álag á raforkukerfið eftir landshlutum og aðveitustöðvum í flutningskerfinu er einnig áætlað og er þá miðað við mismunandi nýtingartíma á milli svæða. Áætlun um álagið byggir á ítarlegri gagnasöfnun um raunverulegt álag á kerfið undanfarin ár.
Hlutverk EFLU
- Ráðgjafi
- Líkangerð og útreikningar
- Útreikningar á spá