EFLA á Degi stafrænnar mannvirkjagerðar
EFLA býður upp á margskonar lausnir þegar kemur að stafrænni mannvirkjagerð.
EFLA býður m.a. upp á þjónustu við að færa hönnunarlíkön yfir í sýndarveruleika. Greining á líkani getur einnig farið fram vélrænt og EFLA hefur hugbúnaðarlausnir til að árekstrargreina hönnunarlíkön.
Auk þess að bjóða upp á hönnun í BIM umhverfi býður EFLA upp á gerð stafrænna tvíbura (e. digital twins) ýmist með lidar skönnum eða myndavélum.
Lausnir í stafrænum mannvirkjum
- Sjá nánarStafrænir tvíburar
- Sjá nánarSkönnun
- Sjá nánarHnitsetning
- Sjá nánarÁstandsskoðun
- Sjá nánarStafrænn tvíburi Safns Einars Jónssonar
Eitt af verkefnum EFLU er varða stafræna mannvirkjagerð er gagnaöflun og úrvinnslatengd stafrænum tvíburum (e. Digital Twins). Þessa lausn má nýta í hverskyns BIM tilgangi. „Með stafrænum tvíburum fást hárnákvæm hnitsett módel sem gefa raunmynd af stöðu hlutar/verkefnis á þeirri stund sem gagnanna er aflað. Þessi gögn geta t.d. nýst til samanburðar á stöðu verkefnis/svæðis,” segir Þröstur Thor Bragason, miðlunarfræðingur hjá EFLU.
EFLA vann verkefni í samstarfi við Listasafn Einars Jónssonar sem snerist um að færa safnið í heild sinni í stafrænt form sem væri þá aðgengilegt hverjum þeim sem hefur aðgang að tölvu eða snjalltæki. „Útkoman er einstaklega vel heppnuð og gæti t.d. nýst vel við greiningu á viðhaldsþörf,” segir Þröstur Thor.
Sérfræðingar EFLU hafa mjög víðtæka þekkingu í gerð og meðhöndlun stafrænna tvíbura. „Viðfangsefni okkar eru allt frá risastórum samgöngumannvirkjum niður í stafræna tvíbura af styttum og öðrum listaverkum,“ segir Þröstur Thor að lokum.