Fréttir: 2019

18.10.2019 : Kolefnisjöfnun vegna starfsemi

EFLA og Kolviður undirrita samkomulag um kolefnisjöfnun.

Þriðja árið í röð gerir EFLA samning við Kolvið um að kolefnisjafna þá losun gróðurhúsalofttegunda sem starfsemi EFLU veldur.

Lesa meira

17.10.2019 : EFLA tók þátt í Hydro

EFLA is at Hydro 2019

Í vikunni fór fram Hydro 2019, alþjóðleg ráðstefna um vatnsaflsvirkjanir og stíflur, í Porto, Portúgal. EFLA ásamt íslenskum samstarfsaðilum voru með sameiginlegan kynningarbás til að kynna sérfræðiþekkingu hópsins á sviði vatnsaflsvirkjana.

Lesa meira

15.10.2019 : Uppbygging í Finnafirði ásamt Jafnvægisás ferðamála kynnt á Arctic Cirle

EFLA á Arctic Circle 2019

EFLA er einn af bakhjörlum Arctic Circle ráðstefnunnar sem fram fór 10.-12. október í Hörpu. EFLA tók virkan þátt í ráðstefnunni og sá um skipulagningu tveggja málstofa ásamt því að bjóða gestum í fyrirtækjaheimsókn.

Lesa meira

15.10.2019 : Kevan Shaw lýsingarhönnuður hlýtur heiðursverðlaun

Kevan Shaw hlytur heidursverdlaun

Nýverið hlaut Kevan Shaw, hjá KSLD | EFLU, heiðursverðlaun LIT Lifetime Achievement Award fyrir framlag sitt til lýsingarhönnunar í gegnum tíðina.

Lesa meira

11.10.2019 : Ánægja með matjurtakassa við Hlíðabæ

Matjurtakassar hjá Hlíðabæ fengu úthlutað úr Samfélagssjóð EFLU.

Eitt af þeim fjölmörgu verkefnum sem Samfélagssjóður EFLU hefur lagt lið við er uppsetning matjurtakassa fyrir skjólstæðinga Hlíðabæjar.

Lesa meira

9.10.2019 : Drónar vöktu athygli á Tæknidegi

EFLA tók þátt í Tæknidegi fjölskyldunnar.

EFLA tók þátt í Tæknidegi fjölskyldunnar sem fór fram í Neskaupstað um síðustu helgi. Gestir sem heimsóttu kynningarbás EFLU fræddust um verkefni sem hafa verið unnin með drónum.

Lesa meira

8.10.2019 : Tækniþróun í sjávarútvegi

EFLA á Sjávarútvegssýningunni

EFLA tók þátt í Sjávarútvegssýningunni og kynnti til sögunnar ný verkefni tengd sjávarútvegi og fiskeldi. Meðal þess sem vakti sérstaka athygli var nýsköpunarverkefni um nýja aðferð við eldi þorsks í neðansjávarbúrum þar sem átan er lokkuð í búrið með ljósgjafa.

Lesa meira

4.10.2019 : Niðurstöður loftgæðamælinga á kísilveri kynntar

PCC Bakki

EFLA hefur umsjón með eftirliti tveggja umhverfisvöktunarstöðva sem staðsettar eru á Bakka við Húsavík. Niðurstöður vöktunar fyrir árið 2018 gáfu til kynna að mengun frá kísilveri PCC á Bakka væri afar lítil og loftgæði sögð góð.

Lesa meira

3.10.2019 : Auglýst eftir umsóknum í Samfélagssjóð EFLU

Samfélagssjóður EFLU 2019

Samfélagssjóður EFLU veitir styrki til jákvæðra og uppbyggjandi verkefna sem nýtast samfélaginu. Auglýst er eftir umsóknum í sjóðinn og er umsóknarfrestur til 15. október næstkomandi.

Lesa meira

2.10.2019 : Matskerfi til að meta álag ferðamanna á Íslandi

Ferðamenn

Haustið 2017 hófst umfangsmikið verkefni, Jafnvægisás ferðamála, þar sem lagt er mat á álag á íslenskt samfélag, efnahag, innviði og umhverfi vegna fjölda ferðamanna á Íslandi. EFLA stýrði verkefninu ásamt Stjórnstöð ferðamála og vann greiningarvinnu og skýrslugerð í samstarfi við TRC Tourism frá Nýja Sjálandi og RTS frá Bandaríkjunum. Jafnvægisásinn er viðamikið og mikilvægt stjórntæki sem segir til um það hvar ferðamál á Íslandi standa með tilliti til sjálfbærrar nýtingar.

Lesa meira

30.9.2019 : Sigurvegarar Plastaþons

Sigurvegarar Plastaþon

Plastaþon, hugmyndasamkeppni, til að vinna að lausnum á plastvandanum fór fram í fyrsta sinn í ár. Lára Kristín Þorvaldsdóttir, umhverfisverkfræðingur hjá EFLU, var í sigurliði keppninnar með hugmyndina „Beljur í búð“.

Lesa meira

25.9.2019 : Afdráttarlaus afstaða á málstofu um vistvæna steypu

Steinsteypufélagið og EFLA héldu málstofu

Í gær buðu Steinsteypufélag Íslands og EFLA til málstofu um vistvæna steypu. Málstofan var afar vel sótt og ljóst að mikill áhugi var á málefninu enda hefur eftirspurn eftir umhverfisvænni steypu aukist mikið.

Lesa meira

24.9.2019 : Þrjú erindi á ráðstefnu um hjólreiðar

Starfsfólk EFLU hélt erindi á hjólaráðstefnu

Síðastliðinn föstudag fór fram ráðstefnan Hjólum til framtíðar. Starfsfólk EFLU á sviði hjólreiða og samgangna tóku þátt og héldu þrjú erindi á ráðstefnunni. 

Lesa meira

20.9.2019 : Framúrskarandi rekstur frá upphafi

EFLA framúrskarandi fyrirtæki

EFLA verkfræðistofa er í hópi framúrskarandi fyrirtækja 2019 samkvæmt mati Creditinfo. Þetta er í níunda sinn sem EFLA fær viðurkenningu þess efnis og hefur fyrirtækið verið á lista framúrskarandi fyrirtækja frá upphafi. 

Lesa meira

18.9.2019 : Matarspor, sem reiknar kolefnisspor máltíða, opnar

Matarspor EFLU

EFLA hefur opnað nýjan vef, Matarspor, sem reiknar út og sýnir kolefnisspor máltíða á myndrænan og upplýsandi hátt. Formleg opnun Matarspors fór fram í dag hjá Orkuveitu Reykjavíkur sem jafnframt er fyrsta fyrirtækið sem tekur vefinn í notkun. 

Lesa meira

12.9.2019 : Hugarflugsherbergið Skínandi

Hugarflugsdagur hjá EFLU og Skínandi opnaður

EFLA leggur mikla áherslu á nýsköpun og þróun í allri sinni starfsemi. Sem liður í þeirri vegferð hefur sérstakt hugarflugsherbergi, Skínandi, verið tekið í notkun. Herbergið er hugsað sem vettvangur til að þróa hugmyndir í hvetjandi umhverfi.

Lesa meira

4.9.2019 : Gæðastimpill á sviði iðnstýringar

Rockwell Automation - EFLA

EFLA og Rockwell Automation hafa skrifað undir samning sem staðfestir að EFLA hefur þekkingu og færni til að nota hugbúnaðarlausnir og vélbúnað frá fyrirtækinu. Samningurinn er því gæðastimpill söluaðilans og staðfesting á að EFLA veiti vottaðar lausnir frá Rockwell í verkefnum sínum.

Lesa meira

3.9.2019 : Erindi á ráðstefnu um brúarhönnun

Breiðholtsbrú

EFLA tekur þátt í ráðstefnu alþjóðasamtaka brúar- og burðarþolsverkfræðinga, IABSE, sem fer fram í New York í vikunni. Þar flytur Magnús Arason, byggingarverkfræðingur, erindi um tvö ný verkefni sem EFLA hefur unnið að, Breiðholtsbrú í Reykjavík og Ullevaalbrú í Osló.

Lesa meira

29.8.2019 : Framúrskarandi á sviði umhverfismála

Sigurður Loftur Thorlacius

Sigurður Loftur Thorlacius, umhverfisverkfræðingur hjá EFLU, hefur verið tilnefndur til verðlaunanna „Framúrskarandi ungir Íslendingar“. Verðlaunin eru veitt árlega af JCI á Íslandi og eru hvatningarverðlaun til ungs fólks sem lætur til sín taka í krefjandi og athyglisverðum verkefnum.

Lesa meira

22.8.2019 : Straumi hleypt á Straum

Nýr krani hjá Eimskip

Eimskip hefur tekið í notkun nýjan gámakrana sem hefur fengið nafnið Straumur. Kraninn er af stærstu gerð, um 90 metra hár, og mun afkastameiri en eldri kranar. EFLA sá um hönnun rafdreifingar fyrir löndunarkranann, lýsingu svæðisins og fjarskipti.

Lesa meira

21.8.2019 : Golfmót á Korpunni

Sigurvegarar á golfmóti EFLU

Síðastliðinn föstudag, 16. ágúst, fór fram árlegt golfmót viðskiptavina EFLU á Korpúlfsstaðavelli. Þátttaka var með besta móti og tóku 92 golfarar þátt í mótinu.

Lesa meira

19.8.2019 : Sumarstarfsfólkið kveður okkur

Sumarstarfsfólk EFLU 2019
Á hverju ári ræður EFLA unga og efnilega háskólanemendur í sumarstörf. Í ár voru 25 aðilar ráðnir til starfa á flestum sviðum og starfsstöðvum fyrirtækisins. Nú þegar hausta tekur kveðjum við sumarfólkið okkar og snúa þau aftur til náms.
Lesa meira

27.7.2019 : Náttúrulaugar Vök Baths opna

Vök Baths

Við Urriðavatn, rétt fyrir utan Egilsstaði hefur nýr baðstaður, Vök Baths, verið opnaður. Aðal kennimerki staðarins eru heitar náttúrulaugar sem fljóta við bakka vatnsins, en þar má einnig finna laugarbar, köld úðagöng og veitingastað í glæsilegu mannvirki í fallegu umhverfi. EFLA sá um alla verkfræðihönnun baðstaðarins. 

Lesa meira

19.7.2019 : Margverðlaunað hótel Bláa lónsins

Bláa Lónið

Rúmt ár er síðan Bláa Lónið opnaði glæsilegt hótel og upplifunarsvæði, The Retreat at Blue Lagoon Iceland. Staðurinn hefur vakið mikla eftirtekt fyrir vandaða hönnun og hlotið fjölmörg verðlaun fyrir hönnun, þjónustu og útlit. EFLA hefur átt í góðu samstarfi við Bláa lónið um langt skeið og sá meðal annars um verkfræðihönnun í verkefninu.

Lesa meira

18.7.2019 : Árétting EFLU vegna umræðu í hverfishópi á Facebook

Leiksvæði

EFLA vill koma á framfæri eftirfarandi áréttingu vegna umræðu sem fór af stað í spjallþræði hverfishóps á Facebook um myndatökur starfsmanns á leikvelli í hverfinu. 

Lesa meira

12.7.2019 : Miklir möguleikar á notkun vetnis sem orkubera

Stefán og Jón Heiðar á þróunarsviði EFLU

Orkuskiptin eru eitt af stóru hagsmunamálum sem þjóðir heimsins standa frammi fyrir. Þannig er stefnt að aukinni notkun endurnýjanlegrar orku sem hefur jákvæð áhrif á loftslagsmál og losun gróðurhúsalofttegunda. EFLA hefur fylgst vel með þeirri þróun og tekið þátt í umræðunni um orkuskiptin. Eitt af því sem hefur verið skoðað sérstaklega eru möguleikar vetnis sem orkubera, en mikill meðbyr er í alþjóðasamfélaginu að nýta vetni sem eldsneyti.

Lesa meira

11.7.2019 : Fulltrúi frá EFLU á ráðherrafundi Sameinuðu þjóðanna

Sigurður Thorlacius

Staða Íslands gagnvart innleiðingu heimsmarkmiða verður kynnt á ráðherrafundi hjá Sameinuðu þjóðunum sem fer fram í New York í næstu viku. Sigurður Thorlacius, umhverfisverkfræðingur hjá EFLU, verður einn af fulltrúum íslenskra ungmenna á ráðstefnunni.

Lesa meira

10.7.2019 : Endurbætur hafnar á Varmárskóla eftir úttekt EFLU

Heildarúttekt EFLU í Varmárskóla

EFLA verkfræðistofa mun sinna ráðgjafar- og eftirlitshlutverki fyrir Mosfellsbæ við endurbætur og viðhaldsaðgerðir á húsnæði Varmárskóla. EFLA framkvæmdi heildarúttekt í apríl og maí 2019 en samkvæmt viðhaldsáætlun Mosfellsbæjar var kominn tími á viðhald og úrbætur. Framkvæmdir eru nú þegar hafnar aðeins tveimur vikum eftir að niðurstaða heildarúttektar liggur fyrir þar sem loftgæði og vellíðan notenda er höfð í fyrirrúmi.

Lesa meira

9.7.2019 : Greining á þolmörkum Silfru liggur fyrir

köfun í Silfru

Gestum sem stunda köfun og yfirborðsköfun í Silfru hefur fjölgað mikið undanfarin ár, eða úr rúmlega 19 þúsund í um 62 þúsund milli áranna 2014 og 2018. Nýverið vann EFLA að mati á þolmörkum Silfru fyrir Þingvallanefnd vegna fjölda gesta.

Lesa meira

8.7.2019 : EFLA fær jafnlaunavottun

Jafnlaunavottun hjá EFLU

EFLA hefur fengið jafnlaunavottun samkvæmt jafnlaunastaðlinum ÍST 85:2012. Vottunin er mikilvægt skref í að uppfylla markmið um jafnréttis- og jafnlaunastefnu fyrirtækisins. 

Lesa meira

2.7.2019 : Hljóðgjöf og hávaðadreifing frá bifreiðum rannsakað

Rannsóknarverkefni EFLU - hljóðgjafar í bílum

EFLA vinnur að rannsóknarverkefni þar sem skoðað er hvaða áhrif mismunandi aflgjafar frá bifreiðum kunna að hafa á hljóðstig í umhverfinu. Í vikunni fór athugunin fram og bauð HEKLA þrjár bifreiðar að láni til verkefnisins. 

Lesa meira

18.6.2019 : EFLA kolefnisjafnar alla losun frá rekstri

EFLA kolefnisjafnar losun

EFLA hefur ákveðið að kolefnisjafna alla beina og óbeina losun vegna rekstrar fyrirtækisins eins og gert var í fyrra. Í þetta sinn er það gert í samstarfi við Kolvið og Votlendissjóð.

Lesa meira

13.6.2019 : Samfélagssjóður EFLU veitir úthlutun til 7 verkefna

vorúthlutun 2019

Samfélagssjóður EFLU hefur veitt sína þrettándu úthlutun. Að þessu sinni bárust 78 umsóknir og hlutu 7 verkefni styrk. Umsóknir voru metnar út frá markmiðum sjóðsins, markmiðum EFLU og áherslum nefndarinnar.

Lesa meira

4.6.2019 : Verkefni í Miðausturlöndum

Verkefni EFLU í Miðausturlöndum

Um þessar mundir vinnur EFLA að tveimur verkefnum í Miðausturlöndum. Annað verkið er vegna stækkunar á álveri í Bahrain og hitt er í tengslum við gangsetningu á súrálsverksmiðju í Sameinuðu Arabísku Furstadæmunum.

Lesa meira

31.5.2019 : Fimm orkuerindi EFLU á Fagþingi rafmagns

Fagþing Samorku - EFLA tekur þátt með fimm erindi og kynningarbás

EFLA var áberandi á Fagþingi rafmagns sem Samorka stóð að og var starfsfólk okkar með fimm erindi. Ráðstefnan er haldin á þriggja ára fresti og tekur á því helsta sem viðkemur starfsemi orku- og veitufyrirtækja.

Lesa meira

28.5.2019 : Framúrskarandi lýsingarhönnun verðlaunuð

Raufarhólshellir

Alþjóðleg lýsingarverðlaunahátíð, LDA - Ligthing Design Awards, fór fram í London síðastliðinn fimmtudag. Dótturfélag EFLU, KSLD | EFLA, sérhæfir sig í lýsingarhönnun tók á móti tveimur viðurkenningum á hátíðinni. Annars vegar fyrir lýsingarhönnun í Raufarhólshelli og þá var Natalie Redford, lýsingarhönnuður hjá KSLD | EFLU, sæmd nafnbótinni "40under40".

Lesa meira

24.5.2019 : Stelpur og tækni heimsækja EFLU

Stelpur og tækni til EFLU

EFLA styður við bakið á framtakinu Stelpur og tækni og tók á móti stelpum í fyrirtækið á Norðurlandi og í Reykjavík. Þær fengu innsýn í starfsemina og sögðu konur hjá EFLU frá reynslu sinni af tækni- og verkfræðinámi. 

Lesa meira

22.5.2019 : Tvær vinningstillögur um vistvæna uppbyggingu lóða

C40 competition

Vinningstillögur í alþjóðlegri hönnunarsamkeppni um endurbætt og umhverfisvænna borgarskipulag voru tilkynntar í dag. EFLA, ásamt samstarfsaðilum, átti tvær vinningstillögur fyrir lóðir í Ártúni og Lágmúla.

Lesa meira

20.5.2019 : Samfélagsskýrsla EFLU er komin út

Samfelagsskyrsla forsida

Samfélagsskýrsla EFLU fyrir árið 2018 hefur verið gefin út en í skýrslunni er gerð grein fyrir samfélagslegri ábyrgð fyrirtækisins í verkum, framtíðarsýn og stefnu. Þetta er í fjórða sinn sem samfélagsskýrsla EFLU kemur út en fyrirtækið er aðili að Global Compact sáttmála Sameinuðu þjóðanna um sjálfbæra þróun.

Lesa meira

20.5.2019 : Sáttmáli hjólreiðafólks og atvinnubílstjóra

Sáttmáli hjólreiðafólks og atvinnubílstjóra

EFLA lætur sig umferðaröryggi varða og var í vinnuhóp sem útbjó hjólasáttmála um gagnkvæman skilning atvinnubílstjóra og hjólreiðafólks í umferðinni.

Lesa meira
Síða 1 af 2