Fréttir: 2023

Eftir vel unnin verk er vel þegið að fá klapp á bakið sem hvetur okkar fólk til áframhaldandi góðra verka. Starfsfólk EFLU tók á móti nokkrum viðurkenningum fyrir verk sín á þessu ári auk þess sem verkefni þar sem EFLA var á meðal þátttakanda voru verðlaunuð.

Sem fyrr var töluvert mikið um heimsóknir á þessu ári. Bæði þar sem starfsfólk EFLU kíkti í heimsókn til annarra og þar sem aðrir litu við hjá starfsfólki EFLU víða um heim.

Við viljum alltaf taka þátt í samtali og tækifærin til að eiga í samtali um mikilvæg málefni eru víða. Starfsfólk EFLU tók þátt í fjölmörgum ráðstefnum, málþingum og fundum á árinu. 

Myndmælingateymi EFLU hefur fullklárað þrívíddarmódel af Grindavík sem það vann fyrir Náttúruhamfaratryggingu Íslands. Módelin er hægt er að sjá hér að neðan með því að smella á View in 3D. 

Við sendum viðskiptavinum okkar, samstarfsaðila og landsmönnum öllum hugheilar óskir um gleðilega hátíð um leið og við þökkum fyrir samskiptin og samstarfið á árinu sem er að líða.

Fjölmiðlar leita reglulega til starfsfólks EFLU til að fá sérfræðiálit þess á fjölbreyttum málefnum og í ár var engin undantekning. Þeir komu ekki að tómum kofanum þar því starfsfólk EFLU hefur gríðarlega mikla og fjölbreytta þekkingu sem það vill gjarnan deila með öðrum.

EFLA er samfélagslega ábyrgt fyrirtæki sem reynir stöðugt að láta gott af sér leiða. Samfélagssjóður er starfræktur innan EFLU og stjórn hans hefur það hlutverk að velja árlega þau verkefni sem skal styrkja. Þess utan tekur fyrirtækið þátt í verkefnum og herferðum hjá þeim sem sinna mikilvægum störfum innan samfélagsins.

Opnunartími á skrifstofum EFLU á Íslandi mun breytast örlítið um hátíðarnar.

Á hverju ári sinnir starfsfólk EFLU þúsundum verkefna, bæði litlum og stórum. Langflest eru þess eðlis að ekki gefst færi á að fjalla sérstaklega um þau opinberlega, en öll eiga það þó sameiginlegt að vera mikilvæg á sinn hátt.  

Í dag, miðvikudag 13. desember, fer fram stofnfundur Hringvangs. Þar mun Elín Þórólfsdóttir arkitekt og umhverfis- og auðlindafræðingur á samfélagssviði EFLU kynna Hringrásarvegginn sem er samstarfsverkefni EFLU, Basalt arkitekta og Jáverks.

Sérfræðingar EFLU á sviði myndmælinga hafa verið að störfum í Grindavík síðastliðnar vikur til að fá sem nákvæmasta mynd af ástandi fasteigna og mannvirkja bæjarins í kjölfar þeirra alvarlegu jarðhræringa sem hófust á svæðinu þann 10. nóvember síðastliðinn. 

Í gær, fimmtudaginn 30. nóvember, voru styrkir úr Samfélagssjóði EFLU afhentir. Í ár voru veittir sex styrkir úr sjóðnum. Verkefnin voru af fjölbreyttum toga og flokkuðust til góðgerðar- og félagsmála, menntamála, íþrótta- og æskulýðsmála og menningu og lista. 

Í tilefni af 50 ára afmæli EFLU á árinu buðum við hagaðilum á málþing um orkuskipti í höfnum síðastliðinn þriðjudag 28. nóvember. Málþingið, sem bar titilinn Siglum í átt að grænni framtíð, fór fram í höfuðstöðvum EFLU að Lynghálsi 4 en var jafnframt streymt á starfsstöðvar okkar á Akureyri, Ísafirði og Reyðarfirði

Sjávarútvegsráðstefnan 2023 fer fram dagana 2. - 3. nóvember í Hörpu, Reykjavík. Helga J. Bjarnadóttir, sviðsstjóri samfélagssvið EFLU, mun halda erindi á ráðstefnunni sem fjallar um loftlagsáhrif matvælaframleiðslu og kolefnisspor mismunandi matvæla.

Í vikunni voru viðurkenningar Creditinfo til framúrskarandi fyrirtækja veitt í Hörpu. EFLA er í hópi framúrskarandi fyrirtækja árið 2023 samkvæmt mati Creditinfo, 14. árið í röð. 

Alþjóðlega ráðstefnan Arctic Circle eða Hringborð Norðurslóða lauk um helgina í Hörpu, Reykjavík. Þar stóð EFLA stóð fyrir málþinginu „Shipping Toward the Green Future“ sem fjallaði um orkuskipti í höfnum. 

EFLA tekur þátt í kvennafrídeginum 24. október með því að veita kvenkyns starfsfólki frí án launaskerðingar. Við hvetjum allar konur og kvár til að leggja niður störf í heilan dag til að mótmæla kynbundnu misrétti. 

Alþjóðlega ráðstefnan Arctic Circle hófst í dag, 19. október í Hörpu og stendur til laugardags. Fulltrúar EFLU hafa skipulagt málstofuna „Shipping Toward the Green Future“ sem fjallar um orkuskipti í höfnum. 

EFLA hlaut í gær viðurkenningu Jafnvægisvogarinnar, hreyfiaflsverkefnis Félags kvenna í atvinnulífinu á stafrænni ráðstefnu verkefnisins í beinni útsendingu á RÚV. EFLA hlaut viðurkenningu fyrir að vera eitt af þeim fyrirtækjum sem hafa undirritað viljayfirlýsingu Jafnvægisvogarinnar þess efnis að hafa jafnað kynjahlutfall í framkvæmdarstjórn félagsins. 

Willum Þór Þórsson, heilbrigðisráðherra, tók fyrstu skóflustunguna að nýrri viðbyggingu við Grensásdeild Landspítala síðastliðinn fimmtudag. Deildin er endur­hæfingar­deild Land­spítala en þangað koma sjúk­lingar til endur­hæfingar eftir að hafa lokið með­ferð á öðrum deildum spítalans.

Græna Skóflan var afhent á degi Grænnar Byggðar miðvikudaginn 27. september. Veitt voru verðlaun fyrir hjúkrunarheimilið Móberg á Selfossi sem Framkvæmdarsýslan – Ríkiseignir og samstarfsaðilar(FSRE) standa að. EFLA sá um umhverfisráðgjöf og vistferilsgreiningu (LCA) fyrir bygginguna ásamt BREEAM vottun.  

Rafrænt málþing um stöðu vistvænnar innviðauppbyggingar var haldið  á dögunum á vegum norrænna systursamtaka Grænnar byggðar og voru það samtök Grænni byggða frá Finnlandi, Svíþjóð, Noregi og Íslandi sem stóðu fyrir viðburðinum. Viðburðurinn var haldinn á World Green Building Week 2023, þegar fjölmargir viðburðir í þessum málaflokki áttu sér stað víðsvegar um heiminn.

EFLA hlaut styrki fyrir sex nýsköpunar -og rannsóknarverkefnum frá Nýsköpunarsjóði námsmanna á liðnu sumri. Átta sumarstarfsmenn unnu að verkefnunum ásamt sérfræðingum EFLU. 

Í tilefni af 50 ára afmæli EFLU, var kennurum og stjórnendum frá Verkfræði- og náttúruvísindasviði Háskóla Íslands boðið á morgunfund á Lynghálsi 4 síðastliðinn þriðjudag 19. september. Tilgangur fundarins var að ræða samstarfið milli Háskólans og EFLU, hvernig mætti auka það enn frekar og eins að skoða þarfir atvinnulífsins og fyrirtækja á borð við EFLU til framtíðar með tilliti til menntunar. 

Alþjóðlega jarðvarmaráðstefnan World Geothermal Congress, WCG, fer fram í Peking í Kína dagana 15. – 17. september næst komandi. EFLA tekur þátt í ráðstefnunni ásamt fleiri íslenskum fyrirtækjum á sviði jarðarvarma í gegnum samstarfsvettvanginn Grænvang eða Green by Iceland. 

Auglýst er eftir umsóknum í samfélagssjóð EFLU og er umsóknarfrestur til og með 15. september. Samfélagssjóðurinn veitir styrki til jákvæðra og uppbyggjandi verkefna sem nýtast samfélaginu.

Sérfræðingar EFLU tóku þátt í stöðufundi um vistvæna þróun í mannvirkjagerð á vegum verkefnisins Byggjum grænni framtíð. Fundurinn fór fram í Sjálfstæðissalnum við Austurvöll þriðjudaginn 22. ágúst síðastliðinn, ári eftir útgáfu Vegvísis að vistvænni mannvirkjagerð.  

Í dag, fimmtudaginn 17. ágúst, klukkan 13:00 - 16:30, fer fram málþing í fyrirlestrarsal Grósku á vegum Félags íslenskra landslagsarkitekta (FÍLA) sem ber yfirskriftina Náttúra og hönnun – hvernig fær náttúran aukinn sess í mannvirkjagerð? 

_{Read the story in English here.}

Þann 16. júlí fór hópur vísindamanna, ásamt sérfræðingum frá verkfræðistofunni EFLU að gosstöðvunum við Litla Hrút.

EFLA sá um alla verkfræðihönnun og sjálfbærniráðgjöf ásamt því að útvega sérfræðing í BREEAM matsmannshutverk við hönnun nýs húsnæðis Landsbankans við Reykjastræti 6 í Reykjavík.

EFLA mun styrkja Ljósið, endurhæfingu fyrir krabbameinsgreinda, í leit félagsins að nýju húsnæði. Félagið stendur nú fyrir söfnun fyrir þessu nýja húsnæði sem kallast Klukk, þú ert´ann og hefur verið áberandi á samfélags- og ljósvakamiðlum að undanförnu. 

Dr. Majid Eskafi, sérfræðingur í hafnarverkfræði hjá EFLU, tók þátt í Nor-Shipping 2023 sem haldin var í Lillestrøm í Noregi snemma í júní. 

Birta Kristín Helgadóttir, sviðsstjóri á orkusviði EFLU, og Piotr Gburczyk, framkvæmdastjóri ISPOL dótturfyrirtækis EFLU í Póllandi, voru meðal þátttakenda í málþingi um orkumál sem haldið var í íslenska sendiráðinu í Varsjá í Póllandi miðvikudaginn 14. júní.

EFLA hefur landað sínu stærsta verkefni í Svíþjóð til þessa en umsvif fyrirtækisins þar í landi hafa aukist gríðarlega síðustu ár. 

Birta Kristín Helgadóttir, sviðsstjóri á orkusviði EFLU, mun taka þátt í ráðstefnunni Þýskaland og Ísland um hreina orku – Germany-Iceland Clean Energy Summit.

Sjálfbærni- og ársskýrsla EFLU fyrir árið 2022 er komin út. Í henni er farið yfir árangur fyrirtækisins á sviði samfélagslegrar ábyrgðar auk tölulegra upplýsinga um rekstur fyrirtækisins. Hægt er að skoða vefsvæði skýrslunnar og á rafrænu formi.

EFLA hlaut styrk frá Loftslagssjóði fyrir verkefnið Þurrkun á timbri með jarðvarma. Verkefnið var unnið með hópi aðila frá Skógræktinni, Fjölinni timburvinnslu ehf., Límtré-Vírneti og Trétækniráðgjöf slf. 

Reynir Sævarsson, fyrirliði nýsköpunar og þróunar hjá EFLU, tekur þátt í umræðum á viðburði Orkuveitu Reykjavíkur sem er hluti af dagskrá Nýsköpunarviku, Iceland Innovation Week. Viðburðurinn verður í dag, fimmtudaginn 25. maí, í Elliðaárstöð og hefst kl. 12.

Reynir Sævarsson, fyrirliði viðskiptaþróunar og nýsköpunar hjá EFLU, og Hallgrímur Örn Arngrímsson, fyrrum starfsmaður EFLU og nú viðskiptastjóri á samgöngu- og umverfissviði Verkís, skrifuðu nýverið saman grein um gerð ísganganna í Langjökli sem formlega opnuð voru í júní 2015.