Borvatnsveita Þeystareykjavirkjunar
Á borvatnsveitureitnum eru tvær 8" borholur með djúpdælum sem afkasta allt að 90 L/s af vatni fyrir borvatnsveitu. Í dælukjallara veitunnar eru tvær hliðtengdar skerpidælur sem skerpa á þrýsting veitunnar. Neysluvatn fyrir vinnubúðir virkjunarinnar verður tengt við núverandi vatnsveitu Þeystareykjaskála sem sótt er í lind undir Ketilfjalli. Lítilli djúpdælu verður komið fyrir í 5" borholu á borvatnsveitureitnum sem dælir vatni inn á neysluvatnsveituna þegar lindin hefur ekki undan. Einnig verður millitenging milli borvatnsveitu og neysluvatnsveitu til að auka enn frekar neysluvatn til vinnubúða en millitengingin verður einnig nýtt sem slökkvivatn inn á vinnubúðareit.
Hlutverk EFLU í verkefninu er hönnun á byggingu húsnæðis undir borvatnsveitu, hönnun á vatnsveitu ásamt uppsetningu lagna og búnaðar. Við hönnun á lögnum og búnaði er veitan teiknuð í þrívídd í Autodesk Inventor eins og sjá má á meðfylgjandi mynd en EFLA leggur mikinn metnað í framsetningu gagna og er þrívíð teikning frábært tæki til að auka skilning á flóknum kerfum.