EFLA verkfræðistofa veitir sjö verkefnum styrk
-
Á meðfylgjandi mynd má sjá Guðmund Þorbjörnsson framkvæmdastjóra EFLU ásamt styrkþegum taka á móti styrkinum.
Sjóðurinn var stofnaður í tilefni af 40 ára afmæli fyrirtækisins en markmið sjóðsins er að láta gott af sér leiða í samfélaginu og veita styrki til verðugra verkefna. Um 75 umsóknir bárust að þessu sinni og hlutu sjö verkefni styrki.
Verkefnin eru:
- Öryggisvesti sem dreift verður á öll leikskólabörn á landinu
- Rakel Árnadóttir líkamlega fötluð og fékk styrk vegna ferðar til Danmerkur næstkomandi sumar
- Þroskahjálp á Austurlandi vegna verkefnisins List án landamæra
- Systkinasmiðjan
- Team Spark, þróunarverkefni við Verkfræði- og náttúruvísindasvið Háskóla Íslands
- Ljósið endurhæfingar- og stuðningsmiðstöð
- Lífsmynd vegna vinnslu á heimildarmynd um frumkvöðla vistvænna bygginga
Tekið er á móti umsóknum í samfélagssjóðinn allt árið en úthlutað er úr sjóðnum tvisvar ár ári, að vori og hausti ár hvert. Í valnefnd sitja 3 aðilar sem allir starfa hjá EFLU.