Fréttir

EFLA verkfræðistofa verður á Arctic Circle

10.10.2013

Nýr alþjóðlegur vettvangur, Arctic Circle - Hringborð Norðurslóða, heldur sitt fyrsta þing í Hörpu dagana 12.-14. október. Það var Forseti Íslands, Hr. Ólafur Ragnar Grímsson sem ásamt hópi forystufólks í málefnum Norðurslóða, hafði frumkvæði að stofnun þess.
  • Reykjavík að næturlagi

Hafsteinn Helgason sviðsstjóri Viðskiptaþróunar EFLU og Robert Howe framkvæmdastjóri Bremenports munu flytja erindi á þinginu um mögulega uppbyggingu athafna- og hafnarsvæðis í Finnafirði (Finnafjord harbour: A new hub in the central north Atlantic), nánar tiltekið á sunnudeginum.

Þingið sækja yfir 900 þátttakendur, m.a. fjölmargir forystumenn í þjóðmálum, alþjóðastofnunum, vísindum, viðskiptum og umhverfismálum frá um 40 löndum, einkum ríkjum Norðurslóða og löndum í Evrópu og Asíu.

Meðal umræðuefna á Arctic Circle verða bráðnum jökla og veðrabreytingar, öryggismál á norðurheimskautinu, olíu og gasboranir, vistvæn þróun og hrein orka, nýjar siglingaleiðir, uppbygging hafna, Norðurslóðaréttur og Hafréttarsáttmálinn, viðskiptasamvinna, fjárfestingar og margt fleira.

Tengill á vefsíðu ráðstefnunnar - Arctic Circle

Áður birtar fréttir um tengt efni:

Rannsóknir við Finnafjörð

Forseti Íslands kynnir verkefni í Finnafirði