Fréttir
EFLA vinnur að endurbótum í Borgartúni
EFLA verkfræðistofa, í samvinnu við landslagsarkitektastofuna Landmótun, hefur unnið að hönnun á endurbótum í Borgartúni fyrir Reykjavíkurborg.
Leggja á nýjar gangstéttir og hjólastíga beggja vegna götunnar. Gróðursvæði verður komið fyrir á milli götunnar og hjólastígsins og ljósastaurar endurnýjaðir. Fjórum miðeyjum verður bætt við í þeim tilgangi að auðvelda gangandi vegfarendum að ganga yfir götuna.
Markmið framkvæmdanna er að bæta öryggi gangandi og hjólandi vegfarenda sem og fegra Borgartúnið.
Verkið verður auglýst til útboðs 8.júní og áætlað er að framkvæmdir hefjist í júlí. Stefnt er á að ljúka verkinu í nóvember. Áætlaður heildarkostnaður við framkvæmdirnar er um 230 milljónir króna.
