Fréttir

Endurskoðun aðalskipulags Kjósarhrepps

22.1.2019

EFLA hefur undanfarið unnið að endurskoðun Aðalskipulags Kjósarhrepps 2015-2027. Í því er mörkuð stefna sveitarstjórnar um landnotkun til fram­tíðar og tekin frá svæði fyrir samgöngu- og þjón­ustu­kerfi, veitur, íbúðar- og sumarhúsabyggð, ýmiss konar atvinnusvæði, verndar­svæði o.fl. 

  • Aðalskipulag Kjósarhrepps
    Meðalfellsvatn í Kjós.

Aðalskipulag er skipulagsáætlun fyrir eitt sveitarfélag og tekur til alls lands viðkomandi sveitarfélags. Í aðalskipulagi setur sveitarstjórn fram stefnu sína um landnotkun, byggðaþróun, byggðamynstur, samgöngu‐ og þjónustukerfi og umhverfismál í sveitarfélaginu til minnst tólf ára. Í aðalskipulagi er lagður grundvöllur fyrir deiliskipulagsgerð einstakra svæða í sveitarfélaginu.

Við gerð aðalskipulags skal byggt á markmiðum skipulagslaga, fyrirliggjandi áætlunum sem varða sveitarfélagið og áætlunum um þróun og þarfir sveitarfélagsins á skipulagstímabilinu. Sveitarstjórn ber að vinna að aðalskipulagi í samráði við íbúa sveitarfélagsins og aðra hagsmunaaðila, auk þess sem sveitarstjórn ber að leita til ýmissa opinberra aðila við mótun aðalskipulagsstefnunnar.

Hvenær tekur aðalskipulag gildi?

Aðalskipulag tekur gildi þegar það hefur verið samþykkt af sveitarstjórn og staðfest af Skipulagsstofnun, en áður þarf að hafa farið fram kynning á hinni endanlegu skipulagstillögu.

Þjónustuþættir EFLU í verkefninu voru gerð aðalskipulags og flokkun landbúnaðarlands.

Aðalskipulag KjósarhreppsLaxá í Kjós.