Heimur hitaútgeislunar á Vísindasetrinu
Akureyrarvaka, Vísindasetur, Hof, Vísindavaka, Akureyri, Menningarnótt
Síðastliðinn laugardag fór Akureyrarvaka fram og Vísindasetur ungu kynslóðarinnar var haldið í Hofi. EFLA verkfræðistofa er einn af aðalstyrktaraðilum Vísindasetursins og hefur tekið þátt síðustu þrjú árin. Á kynningarbásnum okkar kynntum við til leiks heim hitaútgeislunar og hvernig hægt er að greina hitastig út frá innrauða litrófinu.
-
Áhugasöm börn að skoða hitamyndavélina og hvernig hún getur mælt mismunandi hitastig.
Á kynningabásnum var
hægt að skoða hvernig hitastig getur færst á milli hluta með hitamyndavél EFLU ásamt
sjónvarpsskjáum. Til að sýna virkni myndavélarinnar voru gestir beðnir um að
nudda höndunum saman til að mynda hita, leggja hendurnar á borðið í stutta
stund og svo var skoðað í kjölfarið hvernig hiti getur færst á milli hluta. Þannig
náði hitamyndavélin að greina handafarið á borðinu þó svo að höndin væri löngu
farin af því.
Símon Elvar Vilhjálmsson, frá EFLU, sýnir gestum hvernig hitamyndavélin greinir handafar á borði.
Einnig skoðuðum við hvernig hægt var að kæla vatn með þurrís og fylgdumst með niðurstöðum hitastigsins á skjáunum.
Kynningarbás EFLU vakti heilmikla athygli og var ánægjulegt að sjá hve margir komu til okkar og skoðuðu heim hitaútgeislunar með okkur. Við þökkum Akureyringum og gestum fyrir komuna og óskum þeim til hamingju með vel heppnaða Akureyrarvöku.
Hjá EFLU er veitt alhliða ráðgjöf á sviði hitaeftirlits og myndgreiningar.
Eftirvæntingin skein úr andlitum barnanna
Þurrísinn er alltaf jafn áhugaverður
Þurrísinn vekur athygli
Áhugasöm börn að skoða hitamyndavélina
Hitamyndavélin sýnir mismunandi hitastig á líkamanum