Fréttir
Hjólreiðar efldar
Í umhverfisstefnu EFLU segir m.a.:
Brýnt er að minnka orkunotkun í samgöngum og minnka um leið losun lofttegunda og úrgangsefna vegna bruna jarðefnaeldsneytis.
EFLA hvetur því starfsmenn :
- Að hagræða í ferðum á vegum fyrirtækisins með þessi markmið í huga.
- Til vistvænna ferða í og úr vinnu.
Í þessu skyni eru starfsmenn m.a. hvattir til að aka sem mest á ónegldum hjólbörðum og nota reiðhjól.
Um 80% aksturs á vegum fyrirtækisins í fyrra fór fram án notkunar nagladekkja og mikil þátttaka hefur verið í átaki til að auka hjólreiðar.
Fyrirtækið hefur nú fest kaup á 3 gerðarlegum reiðhjólum til nota fyrir starfsmenn í vinnunni, á báðum starfsstöðvunum í Reykjavík (á Grensásvegi og Suðurlandsbraut).
Mörg smáskref á landsvísu gera mikið gagn í öllu starfi sem miðar að því að vernda eða bæta umhverfi okkar.