Fréttir
Hönnun fyrir hjólaumferð
EFLA vann leiðbeiningarnar fyrir Umferðar- og samgöngusvið Reykjavíkurborgar og eru þær liður í að framfylgja hjólastefnu borgarinnar sem birt var í ritinu Hjólaborgin Reykjavík.
Við gerð leiðbeininganna var litið til rannsókna, reynslu og áherslna annarra þjóða, bæði austan hafs og vestan, og var þá sértaklega litið til umferðaröryggis.
Eins og segir í inngangi leiðbeininganna þá er markmið þeirra að bæta og samræma gæði þeirra lausna sem hannaðar eru fyrir hjólreiðamenn í Reykjavík. Með bættum aðbúnaði fyrir þá má búast við auknum hjólreiðum sem aftur mun hafa jákvæð áhrif á umhverfi og lýðheilsu borgarbúa. Auk þess munu fleiri hjólreiðamenn stuðla að auknu öryggi þeirra sjálfra í umferðinni.
Leiðbeiningarnar má nálgast á vef Reykjavíkurborgar