Fréttir

HR: Stórum áfanga náð

25.1.2010

  • Yfirlitsmynd HR

Sem kunnugt er hefur EFLA annast framkvæmdaeftirlit við nýbyggingu Háskólans í Reykjavík.

Nú fyrir skömmu flutti Háskólinn í Reykjavík starfsemi sína í nýja húsnæðið við Nauthólsvík, að Menntavegi 1 (101 Reykjavík). 

Þar hafa nú um 2.000 nemendur og um 300 lærimeistarar og aðrir starfsmenn sinn vinnustað.

Í haust ætlar HR að vera kominn með alla starfsemina á þennan fallega stað og í þetta glæsilega húsnæði.

Í tilskrifi frá einum starfsmanna EFLU segir: "Vegna alls gáfufólksins sem þarna hefur sinn vinnustað dettur manni í hug orðið greindarvísitala.

Þótt ekki sé dregin í efa há greindarvísitala þeirra sem komið hafa að framkvæmdinni sjálfri fram til þessa, skulum við vona með framtíð Íslands í huga (og ekki veitir af eins og þjóðhagsstaðan er í dag) að greindarvísitalan við Menntaveg 1 hafi stórlega hækkað nú þegar háskólinn er kominn með allt sitt fólk á svæðið".

EFLA sendir öllum HR-ingum árnaðaróskir.