Hugarflugsherbergið Skínandi
Brainstorm, nýsköpun, Hafsteinn, þróun, viðskiptaþróun
EFLA leggur mikla áherslu á nýsköpun og þróun í allri sinni starfsemi. Sem liður í þeirri vegferð hefur sérstakt hugarflugsherbergi, Skínandi, verið tekið í notkun. Herbergið er hugsað sem vettvangur til að þróa hugmyndir í hvetjandi umhverfi.
-
Hafsteinn Helgason, sviðsstjóri þróunar hjá EFLU, stýrði hugarflugsdegi í Skínanda.
EFLA hefur komið að fjölmörgum nýsköpunar- og þróunarverkefnum og verið í forystu í mörgum spennandi verkefnum, allt frá hugmynd að veruleika. Hugarflugsherberginu Skínanda er ætlað til að hýsa fundi sem hafa óhefðbundnar kröfur þar sem hugsað er fyrir aðbúnaði sem stuðlar að skapandi hugsun.
Aðferðafræði hugarflugs
Til að miðla þekkingu og veita leiðsögn sem stuðla að nýsköpunarverkefnum var hugarflugsdagur EFLU haldinn í tengslum við opnun Skínanda. Allir áhugasamir starfsmenn gátu skráð sig á hugarflugsfund þar sem þrjú ólík viðfangsefni voru rædd í þaula út frá ákveðinni aðferðafræði til að hámarka árangur fundarins.
Fundirnir voru vel sóttir og þróuðust þeir í afar mismunandi áttir en allir voru þeir fjörugir og sköpuðust á þeim góðar umræður. Umhverfið í Skínanda er hugsað sem hvetjandi vettvangur þar sem hægt er að setjast niður í þægilegum sófa, skrifa hugmyndir á stóran töfluvegg eða á viðskiptamódelstöflu.
Tækifæri í tækninni
Nú þegar samfélög færast hratt inn í framtíðina með þeirri tæknibyltingu sem nú þegar er hafin þar sem gervigreind og snjallvélar spila sífellt stærra hlutverk. Með opnun Skínanda, til að auka teymishugsun og markvissari vinnubrögð við hugarflug, stígur EFLA eitt skref af mörgum í vegferð sinni til að efla nýsköpun og þróun.
Stór tússveggur er í Skínanda.
Hugað var að góðri innivist í rýminu t.d. hljóðvist og lýsingu.
Fjörugar umræður sköpuðust á hugarflugsfundunum.