Fréttir

Húsið að Laugavegi 49 lagfært

12.1.2009

EFLA á sér langa sögu við viðgerðir og endurnýjun sögufrægra eða verndaðra bygginga.

Nýjasta verkið sneri að virðulegu húsi að Laugavegi 49 í Reykjavík en Húsafriðunarnefnd hefur lagt til að það verði friðað.

Framkvæmdirnar miðuðust við það. Um var að ræða endurbætur á þaki.

Þær fólst fyrst og fremst í lagfæringum á fúaskemdum, endurnýjun á bárujárni á þaki hússins og hluta af þakgluggum.

Haldið er í sem mest af upprunalegu útliti hússins.

Þakið er mansardþak (brotþak), kennt við franskan húsameistara Francois Mansart (1598-1666).

Slík þök þekkjast víða á meginlandi Evrópu og gefa þau byggingum sérstætt yfirbragð en eru sjaldgæf hérlendis.

Þakið á Laugavegshúsinu er með tveimur röðum þakglugga á báðum þakflötum ásamt þakkúplum í mæni.

Neðri hluti þaksins er með boga.

Skipt var um járn á þakinu og það klætt með hefðbundnum bárujárnsplötum.

Allt tréverk var endurnýjað á þakkanti hússins ásamt rennum og niðurföllum.

Í efri hluta þaksins var skipt um alla glugga á suðurhlið.

Verktaki við verkið var Burstafell ehf.

Viðgerðirnar þykja mjög vel heppnaðar og er það samdóma álit að varðveisla útlits og verndunarsjónarmið hafi verið höfð í heiðri.