Kynningardagur Verkfræðistofu Suðurlands
Kynningardagurinn var haldinn með það að markmiði að kynna þá þjónustu sem stofurnar geta í sameiningu boðið auk þess að heimsækja fyrirtæki á suðurlandi og efla þannig tengslin.
Dagurinn fór þannig fram að skipulagðar voru heimsóknir til 12 fyrirtækja vítt og breitt um suðurland, en í þessar heimsóknir fóru starfsmenn VS og EFLU. Í lok dagsins var svo viðskiptavinum boðið til móttöku í húsnæði Verkfræðistofu Suðurlands og var þar margt um manninn.
Þar ávörpuðu Páll Bjarnason framkvæmdastjóri VS og Guðmundur Þorbjörnsson framkvæmdastjóri EFLU samkomuna og fram kom í máli Guðmundar að á næsta ári er stórafmæli hjá Verkfræðistofu Suðurlands en hún verður þá 40 ára, og er elsta starfandi eining innan EFLU samstæðunnar.