Fréttir

Mislæg gatnamót í Hafnarfirði

26.9.2017

Framkvæmdir við mislæg gatnamót Reykjanesbrautar og Krýsuvíkurvegar í Hafnarfirði standa nú sem hæst. Gerð gatnamótanna er hluti af tvöföldun Reykjanesbrautar á kaflanum frá Kaldárselsvegi að Krýsuvíkurvegi.

EFLA kom að verkefninu með fjölbreyttum hætti og sá meðal annars um heildarhönnun fjögurra akreina vegar.

  • Mislæg gatnamót Reykjanesbraut og Krísuvíkurvegur - eftir 2

Um þessar mundir er unnið að gerð mislægra gatnamóta við vegamót Reykjanesbrautar og  Krísuvíkurvegar. Samhliða er unnið að tengingu gatnamótanna við Suðurbraut, gerð göngu- og hjólastíga, hraða­takmarkandi aðgerðum á Suðurbraut og umtalsverðum breytingum á lagnakerfum veitustofnana á framkvæmdasvæðinu. 

Árið 2013 hafði undirgöngum fyrir gangandi vegfarendur verið komið fyrir við Suðurholt undir Reykjanesbraut og var sú framkvæmd hluti af framtíðarbreytingum á svæðinu.

Ný vegamótabrú

Við mislægu vegamótin er vegamótabrú í byggingu og er brúin steinsteypt bogabrú í einu 30 m hafi, grunduð á bergi. Brúin myndar undirgöng fyrir Krýsuvíkurveg undir Reykjanesbraut. Stoðveggir við enda undirganganna halla 30° frá lóðréttu og forma þannig eins konar hvelfingar. Brúin rúmar fjögurra akreina Krýsuvíkurveg. Hönnun brúarinnar er unnin af EFLU í samstarfi við Studio Granda arkitekta.

Gerð gatnamótanna er hluti af tvöföldun Reykjanesbrautar á kaflanum frá Kaldárselsvegi að Krýsuvíkurvegi, en sú framkvæmd mun stórbæta umferðarrýmd og umferðaröryggi á svæðinu.

Vegagerðin bauð framkvæmdirnar út vorið 2017 og eru verktakar þess Loftorka og Suðurverk. Verktakakostnaður er um 900 milljónir og er áætlað að verkinu ljúki í nóvember. Þess má geta að í þessum áfanga verður Reykjanesbraut ekki tvöfölduð í tvær akreinar í hvora átt.

Tengdar fréttir


Mislæg gatnamót Reykjanesbraut og Krísuvíkurvegur - eftir 2Mynd 1) Fyrir breytingu - Reykjanesbraut

Mislæg gatnamót Reykjanesbraut og Krísuvíkurvegur - eftir 1Mynd 1) Eftir breytingu - Reykjanesbraut, líkanmynd

Mislæg gatnamót Reykjanesbraut og Krísuvíkurvegur - fyrir 2Mynd 2) Fyrir breytingu - Reykjanesbraut

Mislæg gatnamót Reykjanesbraut og Krísuvíkurvegur - eftir 2Mynd 2) Eftir breytingu - Reykjanesbraut, líkanmynd

Mislæg gatnamót Reykjanesbraut og Krísuvíkurvegur - fyrir 3Mynd 3) Fyrir breytingu - Reykjanesbraut

Mislæg gatnamót Reykjanesbraut og Krísuvíkurvegur - eftir 3Mynd 3) Eftir breytingu - Reykjanesbraut, líkanmynd

Undirgöng í HafnarfirðiUndirgöng við Suðurholt

Vegamótabrú stækkun ReykjanesbrautarSmíði vegamótabrúar við Reykjanesbraut