Fréttir

Nýtt leiðanet SVA í mótun

Strætó, Akureyri, Strætisvagnar Akureyri

13.11.2020

Unnið er að því að endurskipuleggja leiðanet Strætisvagna Akureyrar með það fyrir augum að bæta þjónustuna og fjölga farþegum. Áhersla er lögð á samráð við íbúa bæjarins til að móta hugmyndir. EFLA ásamt Strætó eru ráðgjafar verkefnsins og starfa í vinnuhópi með starfsfólki Akureyrarbæjar og fulltrúa notenda á Akureyri.

  • EFLA var ráðgjafi varðandi nýtt leiðanet strætisvagna á Akureyri
    EFLA er ráðgjafi vegna endurskipulagningar á nýju leiðaneti strætisvagna á Akureyri. Mynd: Akureyrarbær.

Fyrstu tillögur að nýju leiðaneti SVA

Fyrstu hugmyndir að nýju leiðaneti byggja á leiðarljósum um aukna tíðni, beinni leiðir og styttri ferðatíma. Auk þess er lögð áhersla á að leiðanetið tengist miðbæ, skólum, frístundastarfsemi og helstu atvinnukjörnum. Kostnaður við rekstur SVA á að haldast óbreyttur við þessar breytingar, en markmiðið er að nýta fjármuni betur með því að þjóna betur núverandi þjónustusvæði og höfða til fleiri notenda. 

Kynningarfundur og samráð við íbúa

Nú stendur yfir samráð við íbúa til að móta fyrstu hugmyndir að nýju leiðaneti og var staðið að kynningarfundi um daginn.

Upptaka að fundi 

EFLA var ráðgjafi varðandi nýtt leiðanet strætisvagna á AkureyriTillögur að nýju leiðaneti voru kynntar á samráðsfundi. Hægt er að smella á mynd til að sjá hana stærri. Mynd: Akureyrarbær. 

Frekari upplýsingar um verkefnið má nálgast á vefsíðu Akureyrarbæjar.