Öflugri EFLA
Nú verða stofurnar svæðisskrifstofur EFLU og munu þær heita EFLA Norðurland og EFLA Suðurland, með fjölbreytt bakland EFLU í þekkingu og þjónustu. Áfram verður lögð höfuðáherslu á öfluga starfsemi og þjónustu á svæðunum.
Þjónustan á Suður- og Norðurlandi verður áfram óbreytt og á sama stað. EFLA verkfræðistofa starfar í öllum landshlutum á Íslandi í alhliða verkfræðiráðgjöf og er einnig þátttakandi í fyrirtækjum í sex öðrum löndum og með verkefni víða um heim. Starfsmenn EFLU Norðurlands og EFLU Suðurlands munu því líka fá frekari tækifæri til að taka þátt í verkefnum EFLU innanlands og erlendis, og styrkja þannig starfsemina á heimaslóðum og þekkingu um leið.
Engar breytingar verða í hópi starfsfólks EFLU Norðurlands og EFLU Suðurlands, á heimilisfangi eða símanúmerum. Upplýsingar um ný póstföng starfsfólks auk almennra upplýsinga má finna á heimasíðu EFLU. Eldri póstföng starfsmanna verða virk enn um sinn.
