Fréttir

Sjö verkefni hljóta styrk úr Samfélagssjóði EFLU

11.6.2013

Úthlutað hefur verið úr Samfélagssjóði EFLU verkfræðistofu í fyrsta sinn.
  • Samfélagssjóður EFLU
    Á meðfylgjandi mynd má sjá Guðmund Þorbjörnsson framkvæmdastjóra EFLU ásamt styrkþegum taka á móti styrkinum

Samfélagssjóður EFLU var stofnaður í tilefni af 40 ára afmæli fyrirtækisins en markmið sjóðsins er að láta gott af sér leiða í samfélagi og veita styrki til verðugra verkefna í samfélaginu. Um 70 umsóknir bárust að þessu sinni og hlutu sjö verkefni styrki. Þau eru sem hér segir:

  • Öryggisvesti fyrir 6 ára börn
    • Vestum dreift á alla skóla á landinu með því markmiði að auka öryggi barna í umferðinni.
  • Að EFLA ungar raddir
    • Tónleikaröð í Kaldalóni þar sem ungum og efnilegum röddum er gefið tækifæri á að koma fram í Hörpu.
  • Júdódeild UMFN
    • Starfið þykir áhugavert, allt er rekið í sjálfboðavinnu og börnum er boðið upp á að stunda Júdó þeim að kostnaðarlausu.
  • Kafbáturinn - nemendaverkefni í Háskólanum í Reykjavík
    • EFLA styrkir verkefnið sem silfur styrktaraðili. Ungir starfsmenn EFLU hafa tekið þátt í að þróa verkefnið sem tengist tækni og nýsköpun.
  • Kaup á búnaði fyrir neyðarvistunarheimili
    • Neyðarvistunarheimili fyrir börn starfrækt í Kópavogi, styrk til að kaupa reiðtygi og öryggisbúnað. Hestar eru partur af endurhæfingu og uppbyggingu skjólstæðinga.
  • GPS tæki fyrir Skátafélagið Árbúa
    • Tækið mun nýtast skátum við að læra rötun með GPS tæki.
  • Knattspyrnulið Fjarðarbyggðar
    • Styðja við íþróttastarf á svæðinu.

Tekið er á móti umsóknum í samfélagssjóðinn allt árið en úthlutað er úr sjóðnum tvisvar ár ári, að vori og hausti ár hvert. Í valnefnd sitja 3 aðilar sem allir starfa hjá EFLU.