Fréttir

Skipulagsverðlaunin 2012

22.11.2012

Skipulagsverðlaunin 2012 voru afhent 8.nóvember síðastliðinn í Iðnó. Þetta er í fjórða sinn sem verðlaunin eru veitt. Í ár var Vistbyggðarráð (www.vbr.is) samstarfsaðili Skipulagsfræðingafélags Íslands, sem stendur fyrir veitingu verðlaunanna annað hvert ár með stuðningi Skipulagsstofnunar.
  • Skipulagsverðlaunin 2012
    Mynd fengin af vef Skipulagsfræðingafélagsins.

Markmið skipulagsverðlaunanna er að hvetja til umræðu um skipulagsmál og vekja athygli á því besta sem er að gerast á sviði skipulagsmála á Íslandi á hverjum tíma. Í þetta sinn var athyglinni beint sérstaklega að vistvænum áherslum.

Það voru ASK arkitektar sem fengu verðlaunin þetta árið fyrir Vísindagarða HÍ.
EFLA tók þátt í mótun skipulagsins er varðar ýmsa verkfræðilega þætti eins og umferðaskipulag og skipulag vistvænna samgangna, hljóðvist, úrgangsmál og ofanvatnslausnir. En hjá EFLU er breið þekking á sviði vistvæns skipulags.
Sérstaka viðurkenningu fengu svo 3 nemar í Skipulagsfræðum við HR, þau Arnþór Tryggvason, Ester Anna Ármannsdóttir og Eva Þrastardóttir fyrir verkefnið ?Nýtt skipulag í Spönginni Grafarvogi, hagnýtt verkefni í bæjarkönnun". Rétt er að nefna að Eva Þrastardóttir er starfsmaður EFLU á Samgöngusviði.

Í umsögn dómnefndar varðandi um vinningstillöguna kom meðal annars fram að þar væri um, ,,... mjög góða heildarlausn að ræða, og að tillagan uppfyllli best þær forsendur sem áhersla er lögð á varðandi sjálfbærni og umhverfi."
Það verkefni sem fékk viðurkenningu þótti, áhugavert, vandað og vel unnið um leið og það væri gott innlegg í umræðu um þéttingu byggðar.

Dómnefnd skipuðu:

Dr. Bjarki Jóhannesson formaður, tilnefndur af Skipulagsfræðingafélagi Íslands
Unnsteinn Gíslason tilnefndur af Skipulagsfræðingafélagi Íslands
Egill Guðmundsson tilnefndur af Vistbyggðarráði
Bergljót S. Einarsdóttir tilnefnd af Arkitektafélagi Íslands
Inga Rut Gylfadóttir tilnefnd af Félagi íslenskra landslagsarkitekta
Þórarinn Hjaltason til nefndur af Verkfræðingafélagi Íslands

Sjá nánar um tillögurnar og umsögn dómnefndar í heild sinni á vef skipulagsfræðingafélagsins.