Vel sótt EFLU-þing
Sylgja, Haukur Örn, þing, efluþing, fræðslufundur, rakaskemmdir, fasteignagalli
Málefni tengd fasteignum og rakaskemmdum voru rædd á EFLU-þingi sem fór fram fimmtudaginn 2. maí. Umfjöllunarefnin voru sýnataka í húsnæðum vegna rakaskemmda og úrræði í tengslum við ágreiningsmál vegna fasteignagalla.
-
Sylgja og Haukur sáu um fræðsluerindin á EFLU-þingi fimmtudaginn 2. maí.
Viðburðurinn var afar vel sóttur, en um 70 manns mættu á hann, og sköpuðust líflegar umræður á staðnum. Sylgja Dögg Sigurjónsdóttir, fagstjóri hjá EFLU, fjallaði um sýnatökur vegna rakaskemmda og túlkun niðurstaðna. Sagði hún að mikilvægt væri að samræma aðferðir við rannsóknir á rakaskemmdum og lýsa rannsóknaraðferðum þannig að hægt sé að sannreyna niðurstöðurnar með því að endurtaka rannsóknina. Það myndi draga úr ósamræmi á milli fagaðila og auka marktækni. Þá benti Sylgja Dögg á tæki og útbúnað sem hægt væri að nota þegar kemur að sýnatöku og mælingum á raka.
Haukur Örn Birgisson, lögmaður hjá Íslensku lögfræðistofunni, hélt erindi þar sem hann fór yfir þau atriði sem hafa þarf í huga þegar upp koma gallar í fasteignum. Haukur Örn fór yfir þau úrræði sem standa kaupendum og seljendum til boða við ágreining í kjölfar fasteignaviðskipta og hvernig ferlið er við úrlausn slíkra ágreiningsmála fyrir dómstólum.
Við þökkum öllum gestum fyrir komuna, það var ánægjulegt hvað margir sáu sér fært að mæta.
Góð mæting var á EFLU-þing.
Sylgja Dögg hélt erindi um sýnatökur í tengslum við rakaskemmdir.
Haukur Örn fór yfir hvaða atriði þarf að hafa í huga í tengslum við fasteignagalla.