Fréttir

Verkefni Byggingasviðs EFLU í Noregi

18.6.2012

EFLA hefur náð samningum um fjölda verkefna í Noregi sem unnin eru á flestum sviðum fyrirtækisins. Byggingasvið EFLU er með nokkur verkefni í Noregi en hér að neðan má sjá helstu upplýsingar um þau.
  • Byggingasvið EFLU í Noregi
Byggingasvið og arkitektastofan Wiberg í Bergen náðu samningum um hönnun á u.þ.b. 10.000 m2 grunnskóla og barnaheimili í Bergen eftir hæfnis- og verðsamkeppni þar sem 13 tilboð bárust. Hönnunarverkið hófst í febrúar og er gert ráð fyrir að deilihönnun til útboðs ljúki næsta vor og að framkvæmdum verði lokið sumarið 2015.

Einnig er verið að vinna að samningum um sorpflokkunarstöð í Stavanger þar sem lagna- og raflagnasvið byggingasviðs EFLU eru hluti af hönnunarteymi, sem mun sjá um forhönnun og deilihönnun stöðvarinnar. Verkefnið kom inn í gegnum umhverfissvið EFLU, sem hefur verið að vinna við nokkur verkefni, mest tengd samgöngum og skipulagsmálum á Stavangersvæðinu.

Hljóðráðgjöf tengdum samgöngum

Hljóðsvið byggingarsviðs EFLU vinnur að samgönguverkefnum í Voss nálægt Bergen í Noregi. Verkefnið er unnið í samvinnu við önnur svið EFLU. Verkefnið snýst um hljóðútreikninga og hönnun mótvægisaðgerða við og á íbúðarhúsum þar sem til stendur að færa veg nær byggð vegna gangnagerðar. Fleiri verkefni þessarar gerðar hafa komið á borð EFLU í gegnum rammasamninga EFLU við norsku Vegagerðina, má þar nefna verkefni sem hljóðsvið og viðhaldssvið kemur að í Stavanger og er tengt verkefni sem umhverfis- og samgöngusvið EFLU hafa verið að vinna undanfarin misseri.

noregur_bygg_2noregur_bygg