Bakka- og Skorholtsnáma - efnistaka
EFLA sér um mat á umhverfisáhrifum vegna áforma Hólaskarðs ehf. um efnistöku í Melasveit, Hvalfirði.
Um verkefnið
Efnistakan mun fara fram á landskika sem er staðsettur á milli Bakkanámu og Skorholtsnámu auk þess efnis sem enn er nýtanlegur úr Bakkanámu. Áætluð efnistaka er um 1,4 milljón m3 á um 5 ha svæði. Tilgangur framkvæmdarinnar er að afla hágæða jarðefna og steinefna sem ætlað er í steypuframleiðslu.Tilgangur matsins er að stuðla að því að efnið og efnisvinnslan hafi sem minnst umhverfisáhrif í för með sér.
Kynning á drögum að tillögu að matsáætlun
Drög að tillögu að matsáætlun eru nú birt til kynningar um tveggja vikna skeið, frá
4. febrúar til og með 18. febrúar 2021. Á þessu tímabili gefst almenningi tækifæri til að koma með athugasemdir við tillöguna.
Athugasemdafrestur er frá 4. febrúar til og með 18. febrúar 2021.
Athugasemdirnar skal merkja „Bakka- og Skorholtsnáma - efnistaka“ og senda með tölvupósti til Arons Geirs eða með bréfpósti á:
EFLA verkfræðistofa
B/t. Arons Geirs Eggertssonar
Lynghálsi 4
110 Reykjavík