Hreinsistöð fráveitu á Selfossi
Fráveita á Selfossi, Fráveitumál á Selfossi, Hreinsistöð á Selfossi
Umhverfismat fyrir hreinsistöð fráveitu á Selfossi
Sveitarfélagið Árborg hefur undanfarið unnið að
undirbúningi vegna hreinsistöðvar fráveitu á Selfossi. Framkvæmdin
er matsskyld samkvæmt lögum nr. 106/2000 um mat á umhverfisáhrifum og hefur EFLU verið falið að vinna umhverfismatið.
Um verkefnið
Á undanförnum árum hefur sveitarfélagið Árborg unnið að því að bæta ástand fráveitumála í sveitarfélaginu. Ákveðið hefur verið að byggja fráveituhreinsistöð norðan við flugvöllinn við Sandvík. Meginmarkmið framkvæmdarinnar er að koma á hreinsun skólps frá Selfossi sem uppfyllir skilyrði laga og reglugerða, til að vernda almenning og umhverfið gegn mengun af völdum fráveitu frá Selfossi.
Eftirfarandi valkostir verða lagðir fram til mats á umhverfisáhrifum:
a) Núllkostur. Hann miðast við óbreytt ástand, þ.e. að skólpi verði áfram veitt að mestu leyti óhreinsuðu í Ölfusá.
b) Að byggja eins þreps hreinsistöð við Sandvik með útrás í Ölfusá.
c) Að byggja tveggja þrepa hreinsistöð við Sandvik með útrás í Ölfusá.
d) Að byggja hreinsistöð með ítarlegri hreinsun en tveggja þrepa við Sandvik með útrás í Ölfusá.
e) Að byggja hreinsistöð með grófhreinsun við Sandvik og dæla skólpi um lögn með Eyrarbakkavegi og áfram út í sjó við Eyrarbakkahöfn.
Samkvæmt tölulið 11.04 í 1. viðauka laga um mat á umhverfisáhrifum nr. 106/2000 er framkvæmdin matsskyld þar sem um er að ræða skolphreinsivirki frá íbúðabyggð eða iðnaði með afkastagetu sem svarar til 50.000 persónueininga eða meira.
Drög að tillögu að matsáætlun voru kynnt um rúmlega þriggja vikna skeið, eða frá 13. desember 2017 til 5. janúar 2018.
Athugasemdafrestur
Tilaga að matsáætlun hefur nú verið lögð fram til kynningar. Tillagan er aðgengileg á vefsíðum EFLU og Skipulagsstofnunar og hjá Skipulagsstofnun. Allir geta kynnt sér tillöguna og lagt fram athugasemdir. Athugasemdir skulu vera skriflegar og berast eigi síðar en 23. janúar 2019 til Skipulagsstofnunar bréfleiðis eða með tölvupósti á skipulag@skipulag.is.