Landfylling í Skerjafirði
Skerjafjörður
Reykjavíkurborg áformar að gera 4,3 ha landfyllingu í Skerjafirði og er landfyllingin liður í þéttingu byggðar og uppbyggingu nýs hverfis í suðvesturhluta borgarinnar.
Um verkefnið
Reykjavíkurborg áformar að gera 4,3 ha landfyllingu í Skerjafirði. Svæðið er staðsett austan núverandi byggðar í Skerjafirði og sunnan aflagðrar NA – SV flugbrautar (06-24) Reykjavíkurflugvallar. Landfyllingin er liður í þéttingu byggðar og uppbyggingu nýs hverfis í suðvesturhluta borgarinnar í samræmi við Aðalskipulag Reykjavíkur 2010 - 2030.
Framkvæmdin er ekki sjálfkrafa matsskyld en byggt á 10. gr. reglugerðar um mat á umhverfisáhrifum óskaði framkvæmdaraðili eftir því við Skipulagsstofnun að framkvæmd færi í mat á umhverfisáhrifum.
Í frummatsskýrslu eru áhrif framkvæmdarinnar metin fyrir gróður, strand- og sjávarlífríki, fuglalíf, strauma, fornminjar, verndarsvæði, landslag og ásýnd, umferð, umferðarmyndun og öryggi, hljóðvist, loftgæði, útivist og hjóla- og göngustíga. Helstu umhverfisáhrif framkvæmdarinnar eru vegna landfyllingarinnar og umferðar á framkvæmdatíma.
Kynning á tillögu að matsáætlun og athugasemdafrestur
Frummatsskýrslan er nú birt til kynningar umsagnaraðilum og almenningi og auglýsir Skipulagsstofnun skýrsluna. Frummatsskýrslan ásamt viðaukum er aðgengileg á vefsíðu Skipulagsstofnunar, Reykjavíkurborgar og EFLU (sjá neðar á síðu) og mun einnig liggja frammi til kynningar hjá Skipulagsstofnun.
Allir geta kynnt sér frummatsskýrsluna og lagt fram athugasemdir.
Kynningartími er frá 16. nóvember 2021 til 11. janúar 2022. Frestur almennings til að skila athugasemdum við frummatsskýrsluna er til 11. janúar 2022. Athugasemdir skulu vera skriflegar og berast til Skipulagsstofnunar eða með tölvupósti.