Landfylling í Skerjafirði
Skerjafjörður
Reykjavíkurborg áformar að gera 4,3 ha landfyllingu í Skerjafirði og er landfyllingin liður í þéttingu byggðar og uppbyggingu nýs hverfis í suðvesturhluta borgarinnar.
Um verkefnið
Reykjavíkurborg áformar að gera 4,3 ha landfyllingu í Skerjafirði. Svæðið er staðsett austan núverandi byggðar í Skerjafirði og sunnan aflagðrar NA – SV flugbrautar (06-24) Reykjavíkurflugvallar. Landfyllingin er liður í þéttingu byggðar og uppbyggingu nýs hverfis í suðvesturhluta borgarinnar í samræmi við Aðalskipulag Reykjavíkur 2010 - 2030.
Framkvæmdin er ekki sjálfkrafa matsskyld en byggt á 10. gr. reglugerðar um mat á umhverfisáhrifum hefur framkvæmdaraðili óskað eftir því við Skipulagsstofnun að framkvæmd fari í mat á umhverfisáhrifum.
Kynning á drögum að tillögu að matsáætlun
Drög að tillögu að matsáætlun fyrir ofangreinda framkvæmd hafa nú verið lögð fram til kynningar. Allir geta kynnt sér drögin og lagt fram athugasemdir.
Athugasemdafrestur er frá 8. - 29. apríl 2020
Athugasemdir skal merkja „Landfylling í Skerjafirði“ og senda með tölvupósti á netfangið anna.rut.arnardottir@efla.is eða með bréfpósti á:
EFLA verkfræðistofa
B.t. Önnu Rutar Arnardóttur
Lyngháls 4
110 Reykjavík