Laxeldi á Kópaskeri
EFLA sér um mat á umhverfisáhrifum vegna áforma Rifóss hf. um byggingu á laxeldisstöð á Röndinni á Kópaskeri.
Um verkefnið
Fyrirhuguð eldisstöð verður staðsett syðst á Röndinni við ósa Snartarstaðalækjar og er gert ráð fyrir að ársframleiðsla eldisstöðvarinnar verði um 6.400 tonn. Seiðin verða framleidd í seiðaeldisstöð í Kelduhverfi og flutt á Kópasker þegar þau verða orðin um 70 g að þyngd. Seiðin verða svo flutt í sjókvíar Fiskeldis Austfjarða í Berufirði og Fáskrúðsfirði þegar þau ná 300 – 1.000 g að þyngd.
Kynning á drögum að tillögu að matsáætlun
Drög að tillögu að matsáætlun eru nú birt til kynningar um tveggja vikna skeið, frá 21. janúar til og með 4. febrúar 2021. Á þessu tímabili gefst almenningi tækifæri til að koma með athugasemdir við tillöguna.
Athugasemdafrestur er frá 21. janúar til og með 4. febrúar 2021.
Athugasemdirnar skulu merktar „Fiskeldi á Röndinni“ og sendar með tölvupósti á Aron Geir eða með bréfpósti á:
EFLA
B.t. Arons Geirs Eggertssonar
Lynghálsi 4
110 Reykjavík