Laxeldi í Vestmannaeyjum

Um verkefnið

Fyrirhuguð eldisstöð mun standa í Viðlagafjöru, sem er staðsett austarlega í Heimaey og er gert ráð fyrir að ársframleiðsla eldisstöðvarinnar verði um 10.000 tonn. Seiði verða flutt með tankbílum frá eldisstöð í landi að frumeldiskerum í Vestmannaeyjum og verða seiðin um 100-120 gr að þyngd við komu. Gert er ráð fyrir aðstöðu til slátrunar, vinnslu á fiskum og pökkunar á staðnum. Eldisstöðin verður byggð í áföngum og er gert ráð fyrir að í fyrsta áfanga verði ársframleiðsla stöðvarinnar um 5.300 tonn laxfiska.

Meginmarkmið framkvæmdarinnar er að ala laxaseiði og skapa rými fyrir iðnað í formi fiskeldis í Vestmannaeyjum. Fiskeldi fellur vel að þekkingu og reynslu Eyjamanna í framleiðslu og sölu á fiski auk þess sem innviðir, með tilliti til þjónustu og flutninga, eru allir til staðar. Með verkefninu skapast talsvert af störfum á svæðinu auk afleiddra starfa en einnig geta ýmis afleidd tækifæri sprottið af verkefninu.

Samkvæmt lögum um mat á umhverfisáhrifum fellur framkvæmdin undir flokk A, þ.e. framkvæmd sem ávallt er háð umhverfismati, með vísan til tölulið 10.24 í 1. viðauka laganna.

Kynning á drögum að tillögu að matsáætlun

Drög að tillögu að matsáætlun eru nú birt til kynningar um rúmlega tveggja vikna skeið, frá 14. apríl til og með 31. apríl 2021. Á þessu tímabili gefst almenningi tækifæri til að koma með athugasemdir við tillöguna.

Athugasemdafrestur er frá 14. apríl til og með 31. apríl 2021.

Athugasemdirnar skal merkja „Eldisstöð í Viðlagafjöru“ og senda með tölvupósti á Aron Geir eða með bréfpósti á: 

EFLA 
Aron Geir Eggertsson
Lynghálsi 4
110 Reykjavík

Skjöl

Drög að tillögu að matsáætlun