Vindorkugarður að Hnotasteini
Melrakkaslétta, Hnotusteinn
Qair Iceland ehf. áformar að reisa allt að 200 MW vindorkugarð að Hnotasteini á Melrakkasléttu.
Um verkefnið
Qair Iceland ehf. áformar að reisa allt að 200 MW vindorkugarð innan 3.330 ha svæðis að Hnotasteini á Melrakkasléttu. Markmið framkvæmdarinnar er að auka framboð endurnýjanlegrar raforku á Íslandi með sjálfbærum hætti, en áætlað er að reistar verði 34 vindmyllur í tveimur fösum.
Í umhverfismatinu verður lögð sérstök áhersla á að safna gögnum um fuglalíf á svæðinu með það að markmiði að forðast eða draga úr mögulegum áhrifum á fugla. Verður því auk hefðbundinna fuglarannsókna meðal annars stuðst við ratsjármælingar til að afla upplýsinga um umfang umferðar og flughæð fugla við fyrirhugað framkvæmdasvæði.
Tillaga að matsáætlun hefur nú verið kynnt almenningi og hagsmunaaðilum, og fyrir liggur ákvörðun Skipulagsstofnunar um matsáætlun. Umhverfismatsskýrsla verður unnin í samræmi við matsáætlun og álit Skipulagsstofnunar um hana, sbr. lög um umhverfismat framkvæmda og áætlana nr. 111/2021.