Vestfirðir

Starfsstöð EFLU á Vestfjörðum er á Ísafirði. Hún byggir á sterkum grunni Tækniþjónustu Vestfjarða sem hefur starfað óslitið frá 1973. Fyrirtækin höfðu átt í góðu samstarfi um árabil en árið 2021 rann Tækniþjónustan undir hatt EFLU. 

EFLA leggur mikla áherslu á að veita alhliða þjónustu um allt land með því að halda úti öflugum starfsstöðvum í öllum landsfjórðungum. Á Vestfjörðum starfa fimm starfsmenn og vinna þeir í nánu samstarfi við fagteymi EFLU um allt land. Veitt er ráðgjöf á sviði verkfræði og tæknifræði á svæðinu, þ.m.t. ráðgjöf varðandi umhverfismál, skipulagsmál og orkumál. 

Sérstaða starfsstöðvarinnar á Vestfjörðum er verkfræðihönnun, gerð aðaluppdrátta vegna mannvirkjagerðar, kostnaðaráætlanir, ástandsskoðanir, GPS mælingar og útsetningar fyrir lóðir, vegi, hafnir og mannvirki ásamt gerð eignaskiptasamninga og útboðsgagna.