Krefjandi verkefni eru okkar sérstaða
Framúrskarandi lausnir sem styrkja innviði, auka velsæld og sjálfbærni samfélaga.
Prosjekter
Efnahagsleg áhrif orkuskipta
Verkefnið fólst í að meta þau efnahagslegu áhrif sem orkuskipti munu hafa á íslenskt samfélag. Byggir vinna EFLU á fyrri greiningum sem unnar hafa verið um orkuþörf vegna orkuskipta.
Vatnstankur í Úlfarsfellshlíðum
EFLA sá um alla verkfræðiráðgjöf fyrir nýtt veitumannvirki vatnsveitu Mosfellsbæjar. Mikil áhersla var lögð á að mannvirkið myndi falla vel í landslagið en framkvæmdin eykur rekstraröryggi vatnsveitunnar til muna.
Tvöföldun Reykjanesbrautar í Hafnarfirði
Í árslok 2020 lauk tvöföldun Reykjanesbrautar í Hafnarfirði. EFLA, ásamt undirráðgjöfum, sá um útboðshönnun og aðra ráðgjöf vegna framkvæmdarinnar, sem fólst í breikkun vegarins úr tveim í fjórar akreinar á 3,2 km kafla með tilheyrandi fráveitu- og lýsingarkerfum, göngustígum, umfangsmiklum hljóðvörnum, tveimur nýjum göngubrúm, breikkun vegbrúar og nýjum undirgöngum við Strandgötu, undirgöngum við Suðurholt og mislægum vegamótum við Krýsuvíkurveg.
Aðstöðuhús á Borgarfirði Eystri
Aðstöðuhús á Borgarfirði Eystri er þjónustubygging sem veitir umgjörð um fjölbreytta starfsemi fyrir ferðamenn, sjómenn og íbúa í nágrenninu. EFLA sá um verkfræðihönnun og veitti aðstoð við framkvæmd verksins en arkitektar hússins voru Andersen & Sigurdsson.
Vök Baths | Náttúrulaugar
EFLA sá um verkfræðihönnun og lýsingarhönnun á Vök Baths nýjum áningarstað ferðamanna á Austurlandi. Byggingin er yfir 1000 fermetrar þ.m.t. baðsvæði og veitingastaður. Umhverfi staðarins er einstakt þar sem Vakirnar, heitar náttúrulaugar, fljóta úti í vatninu.
Fréttir
Nýtum allt til góðra verka
EFLA tekur þátt á fagsýningunni Verk og vit sem verður haldin í Laugardalshöll dagana 18.-21. apríl. Þemað í kynningarbás EFLU á sýningunni er Nýtum allt til góðra verka og tengist það endurnýtingu byggingarefna í nýbyggingum og öðrum byggingarverkefnum.
Kolefnisspor bygginga verður að kröfu á Íslandi
Vistferilsgreiningar (e. Life Cycle Assessment) og útreikningur á kolefnisspori fyrir byggingar verða skilyrði frá og með 1. september 2025. Þetta samþykkti Húsnæðis- og mannvirkjastofnun nýlega.
blog-forsíða
Umferðaröryggi skólabarna
Á Íslandi slasast árlega hundraðir einstaklinga í umferðarslysum og þar af eru einhverjir sem látast eða slasast alvarlega. Unnt er að sporna við umferðarslysum á ýmsa vegu en til að ná góðum árangri er mikilvægt að skilja vandamálin til að geta fyrirbyggt slysin. Við slíka vinnu er lögð áhersla á að koma í veg fyrir slys og að milda afleiðingar þeirra.
Lesa færslu
EFLA veitir fjölbreytta þjónustu á öllum helstu sviðum verkfræði, tækni og tengdra greina. Víðtæk þekking gerir fyrirtækinu kleift að leysa jafnt sérhæfð verkefni og að veita heildarþjónustu með samræmdum lausnum í umfangsmiklum verkum.
Verkefni EFLU teygja anga sína út um allan heim
Slagorð fyrirtækisins er „allt mögulegt“ sem bæði vísar til fjölbreytninnar í starfseminni og þess lausnamiðaða hugarfars sem við viljum viðhafa í nálgun okkar við viðskiptavini og viðfangsefni.
Í sókn á erlenda markaði hefur EFLA einkum horft til verkefna á sviði orkuflutningsmannvirkja, jarðvarma, samgangna og sjálfvirkni í iðnaði.
Vinnustaðurinn EFLA
EFLA vill fá til liðs við sig kraftmikið og metnaðarfullt fólk sem skarar fram úr á sínum sviðum.