Byggingareðlisfræði
Raki, Rakaöryggi, Varmaflæði, Rakaflæði, Eðlisfræði bygginga
Á hönnunarstigi bygginga er nauðsynlegt að huga að varma- og rakaflæði því að öðrum kosti gætu komið upp vandamál tengd raka sem geta leitt til örveruvaxtar og myglu. Slík vandamál hafa áhrif á líftíma bygginga og geta aukið viðhaldskostnað.
Það er því mikilvægt að huga að byggingareðlisfræði með markvissum hætti og veitir EFLA ráðgjöf varðandi deilihönnun og rýni á deilum með tilliti til raka og varmaflæðis.
Tengiliðir
Höskuldur Goði Þorbjargarson Byggingarverkfræðingur M.Sc. Sími: +354 412 6345 / +354 866 6931 Netfang: hoskuldur.godi.thorbjargarson@efla.is Reykjavík
Böðvar Bjarnason Byggingartæknifræði B.Sc. Sími: +354 412 6521 / +354 665 6521 Netfang: bodvar.bjarnason@efla.is Reykjavík
Með tilkomu ákvæða í byggingarreglugerð um gerð greinargerða um einangrun og raka eru auknar kröfur settar á hönnuði bygginga og þeim gert að gera grein fyrir varma- og rakaflæði byggingarhluta fyrir bæði ný- og endurbyggingar og vegna viðhalds fasteigna.
Sérfræðingar EFLU byggja mat sitt á áratugalangri reynslu og þekkingu á byggingareðlisfræði og reikna m.a. kuldabrúargildi. Varma- og rakaflæði er hermt (e. simulated) fyrir klukkustundargildi helstu veðurþátta með gögnum frá Veðurstofu Íslands. Metið er hvort raki safnist upp í byggingarhlutum og fyrir hvaða þáttum byggingarhlutar eru næmastir.
Á framkvæmdartíma býður EFLA upp á eftirlit sem miðar að því að draga úr áhættu á rakavandamálum. Með slíku eftirliti er fylgst með ástandi byggingarefna við móttöku. Rakamælingar eru gerðar á byggingarefnum áður en byggingarhlutum er lokað og loftþéttleikamælingar framkvæmdar.
Eykur gæði bygginga
Hönnun með tilliti til varma- og rakaflæðis eykur gæði bygginga og dregur úr rekstrarkostnaði og ótímabæru viðhaldi yfir líftíma bygginga.
Á meðal þjónustusviða eru
- Greinargerð um einangrun og raka
- Hermun á varma- og rakaflæði
- Hönnun með tilliti til raka
- Rýni á hönnun með tilliti til raka
- Útreikningar á kuldabrúargildum
- WUFI (Varma- og rakaflæðihugbúnaður)
- HEAT2 (Varmaflæðihugbúnaður)