Hönnun í BIM umhverfi

BIM, Building Information Modelling, Hönnunarlíkan

BIM (Building Information Modelling) er aðferðarfræði við að búa til hönnunarlíkan fyrir byggingu og kerfin sem henni tilheyra. Hönnunarlíkanið, ásamt þeim upplýsingum sem í því eru, er síðan hægt að greina, herma og sannreyna áður en byggingin er byggð.

Tengiliður

Greining á hönnunarlíkani getur verið sjónræn og býður EFLA m.a. upp á þjónustu við að færa hönnunarlíkön yfir í sýndarveruleika. Greining á líkani getur einnig farið fram vélrænt og EFLA hefur hugbúnaðarlausnir til að árekstrargreina hönnunarlíkön.

Orkuútreikningar, hljóðvistar- og brunatæknilegar greiningar eru einnig dæmi um greiningar sem unnt er að vinna á grunni BIM hönnunarlíkana. Til að tryggja að réttar upplýsingar séu aðgengilegar fyrir slíkar greiningar vinnur EFLA með verkkaupa og meðhönnuðum í upphafi verks að skilgreiningu BIM markmiða fyrir verkefnið.

Skilvirkt upplýsingaflæði

BIM snýst einnig um að upplýsingaflæði sé gott meðan á hönnun og framkvæmd stendur. Til þess að stuðla að því hefur EFLA tekið í notkun skýþjónustu sem veitir öllum sem að verkefninu koma sjónaðgang að uppfærðum hönnunarlíkönum allt til verkefnisloka.

Eykur gæði í hönnun

EFLA lítur á BIM sem eðlilegan part af hönnunarferli bygginga. Með skýrri BIM markmiðssetningu í upphafi verks má stuðla að meiri gæðum í hönnun og betri yfirsýn yfir verkefnistímann.

Á meðal þjónustusviða eru

  • BIM hönnunarstjórnun
  • Hönnun í hlutbundnum byggingarlíkönum
  • Árekstragreiningar milli faglíkana
  • Tíma- og áætlanagerð
  • Greiningar á byggingum og umhverfi
  • Samræmd gerð teikninga úr byggingarlíkönum
  • Gerð reyndarlíkana af byggingum fyrir fasteignaumsjónarkerfi
  • Framsetning hönnunar í sýndarveruleika
  • Þrívíddarskönnun bygginga
  • BIM 360 Glue - skýþjónusta sem veitir verkefnisaðilum sjónaðgang að hönnunarlíkönum
  • BIM 360 Docs - verkefnavefur

Tengd þjónusta

Var efnið hjálplegt? Já Nei