Eitt af nauðsynlegum viðfangsefnum vegna brúa í rekstri er að framkvæma ástandsskoðun á þeim reglulega þar sem mat er lagt á ásigkomulag brúarmannvirkisins.

Hjá EFLU starfa reyndir sérfræðingar á sviði brúarhönnunar og framkvæma þeir mat á ástandi brúarmannvirkja bæði á Íslandi og í Noregi. 

Undanfarin ár hefur EFLA unnið fjölda verkefna sem snúa að brúm í rekstri, einkum fyrir norsku vegagerðina, en hún leggur mikla áherslu á að hámarka líftíma brúarmannvirkja sinna, án þess að slakað sé á kröfum um öryggi vegfarenda.

EFLA veitir einstaklingum, fyrirtækjum, stofnunum og sveitarfélögum alhliða ráðgjöf og aðstoð varðandi uppbyggingu innviða ferðaþjónustunnar á Íslandi. Eitt af meginhlutverkum EFLU er að stuðla að framförum í samfélaginu og þar með að farsælli þróun atvinnugreinarinnar.

Vegna mikils vaxtar í flugumferð síðustu misseri er gott skipulag og skilvirkni flugvalla orðinn mikilvægur þáttur í rekstri þeirra. EFLA veitir alhliða ráðgjöf vegna uppbyggingar, hönnunar og starfsemi flugvalla. 

Sérfræðingar EFLU hafa sérhæft sig í hönnun brúa fyrir gangandi og hjólandi vegfarendur. 

Á undanförnum árum hafa verið leyst mörg og flókin verkefni á þessu sviði bæði á Íslandi og í Noregi.

Hjólreiðar eru sífellt að verða algengari ferðamáti bæði innanlands og erlendis. Um allan heim er litið til hjólreiða sem hluta af lausninni við að draga úr útblæstri gróðurhúsalofttegunda og útþenslu gatnakerfisins.

Starfsmenn EFLU hafa mjög góða þekkingu á kröfum og aðstæðum hjólreiðamanna og veita fjölþætta þjónustu á því sviði. Verkefnin spanna allt frá rýni á útfærslum og skipulagi til forhönnunar lausna sem og endanleg hönnun þeirra.

Hafnir og hafnarmannvirki gegna mikilvægu hlutverki í íslensku samfélagi og hagkerfinu. Skip eru að stækka og umfang fraktflutninga að aukast sem leiðir til meiri eftirspurnar og eflingu innviða, stækkun hafnamannvirkja og skilvirkari reksturs hafna. 

EFLA hefur mikla reynslu í hönnun, ráðgjöf og þjónusta á öllum stærðum og gerðum af hafnarframkvæmdum, bæði á Íslandi og erlendis.

Hjólreiðar eru í mikilli sókn í dag. Um allan heim er litið til hjólreiða sem hluta af þeim áherslum að draga úr útblæstri gróðurhúsalofttegunda og útþenslu gatnakerfisins.

EFLA hefur góða þekkingu á kröfum og aðstæðum hjólreiðamanna og veitir fjölþætta þjónustu á því sviði. Verkefnin spanna allt frá rýni á útfærslum og skipulagi upp í stærri hönnunarverkefni.

EFLA hefur víðtæka reynslu af hönnun brúa og innan fyrirtækisins er starfrækt sérhæft teymi verkfræðinga sem leysir brúarverkefni á öllum verkefnisstigum. Það felur m.a. í sér frumdrög hönnunar, endurbætur, viðhald og styrkingar á brúm sem hafa verið lengi í notkun. 

Sérfræðingar EFLU hafa mikla og fjölbreytta reynslu af jarðgangagerð bæði vegganga og vatnsaflsganga. Þannig höfum við t.d. séð um hönnun jarðgaga, verkeftirlit, hönnun fjarskipta, raflagna, lýsingar og hönnunarstjórnun. 

Landmælingar geta verið allt frá einföldum hæðar­mælingum upp í hátæknimælingar með notkun dróna.

Starfsmenn EFLU búa yfir mikill reynslu í landmælingum ásamt því að nota nýjasta tækjabúnaðinn til slíkra verka. 

EFLA aðstoðar einstaklinga, fyrirtæki, stofnanir og sveitarfélög við gerð skipulagsáætlana í heild eða einstaka þætti þeirra. Einnig veitir EFLA heildstæða ráðgjöf um umhverfismat áætlana.  

Núverandi vegakerfi er víða komið til ára sinna eða hefur brotnað niður hraðar en gert var ráð fyrir. Vegna þessa er á mörgum stöðum orðið nauðsynlegt að ráðast í endurbætur og styrkingar. EFLA veitir ráðgjöf um hvernig megi viðhalda og styrkja vegi, þannig að framkvæmdin verði hagkvæm og endingin góð. 

Höfuðborgarsvæðið er í stöðugri þróun og mikil uppbygging mun eiga sér stað á næstu árum hvort sem litið er til breytingar á gatnakerfi, uppbyggingar nýrra hverfa eða þéttingar byggðar. Allar þessar breytingar hafa áhrif á umferð.

EFLA vinnur að ýmsum verkefnum á sviði umferðartækni sem nýtast við vinnslu umferðarskipulags og annarra verkefna sem snúa að umferð. 

Undanfarin ár hefur áhersla og umfjöllun um hljóð og hávaða aukist, sérstaklega í þéttbýli. Rannsóknir hafa sýnt að of mikil hávaðaáraun getur haft neikvæð áhrif á heilsu og velferð manna. 

EFLA veitir þjónustu í útreikningum á umferðarhávaða bæði frá umferð ökutækja og flugumferð. Þær niðurstöður veita mikilvægar forsendur fyrir hönnun bygginga, sérstaklega á þéttingarsvæðum þar sem umferðarhávaði getur verið mikill.

Umferð fólks og farartækja er hluti af okkar daglega lífi og mikilvægt að þessum þætti sé sinnt af kostgæfni. Verkefni á sviði umferðarskipulagsmála verða sífellt stærri, umfangsmeiri og flóknari eftir því sem fólki fjölgar og byggð vex. 

Auk þess hafa kröfur um umferðaröryggi, aukna afkastagetu og jafnræði milli allra samgöngumáta aukist. Heildræn og þverfagleg þekking í verkefnum á sviði skipulagsmála verður sífellt mikilvægari.

EFLA hefur til margra ára sinnt ráðgjöf varðandi umferðar­skipulag og hefur innan sinna raða sérfræðinga með mikla reynslu og þekkingu á sviði umferðarmála og skipulags. 

Mikilvægt er að tryggja öryggi vegfarenda í umferðinni hvort sem ferðast er á bíl, á hjóli eða fótgangandi.

EFLA býður upp á ýmsa þjónustu á sviði umferðaröryggis. Starfsmenn EFLU hafa sérþekkingu og reynslu á þessu sviði og leitast stöðugt við að viðhalda henni og öðlast nýja þekkingu.

Hávaði í umhverfinu hefur aukist síðastliðin ár og áratugi og mikilvægt er að kortleggja vel hávaðadreifingu og koma fyrir mótvægisaðgerðum til að lækka hljóðstig í umhverfinu.

EFLA hefur í rúma tvo áratugi kannað hávaða í umhverfinu frá fjölmörgum mismunandi hávaða­uppsprettum og hefur m.a. kortlagt bróðurpart umferðarmestu vega og flugvalla á Íslandi.

Öll leggjum við traust á góðar samgöngur í okkar daglega lífi og væntum þess að þær séu skilvirkar. 

Sérfræðingar EFLU í skipulagningu og hönnun samgöngumannvirkja veita ráðgjöf með það að markmiði að bæta gæði þeirra og tryggja öruggar, skilvirkar og vistvænar samgöngur.

Mikilvægt er að viðhalda gatnakerfinu vel svo ekki myndist hættur fyrir ökumenn með skemmdum og holum á slitlögum gatna. 

EFLA hefur góða þekkingu og mikla reynslu á sviði viðhalds gatna og hefur unnið bæði fyrir Vegagerðina og sveitarfélög á því sviði í mörg ár.