Samkvæmt lögum um aðbúnað, hollustuhætti og öryggi á vinnustöðum (vinnuverndarlögin) nr. 46/1980, ber atvinnurekandi ábyrgð á að gerð sé skrifleg áætlun, sem byggir á áhættumati, um öryggi og heilbrigði á vinnustaðnum.

EFLA er viðurkenndur þjónustuaðili á sviði öryggis- og heilbrigðismála og veitir heildstæða þjónustu í öryggis- og vinnuverndarmálum.

Hjá EFLU starfa sérfræðingar sem hafa víðtæka reynslu og þekkingu á lausnum er snúa að vistvænni og sjálfbærri hönnun skipulags og mannvirkja, og hafa réttindi til að sinna BREEAM vistvottunum fyrir skipulagsáætlanir, nýbyggingar, endurgerð bygginga, byggingar í rekstri og nú nýlega einnig vistvottun á innviðum.

Deiliskipulag er skipulagsáætlun fyrir afmarkað svæði eða reiti innan sveitarfélags. EFLA býður einstaklingum, fyrirtækjum og sveitarfélögum upp á aðstoð við gerð deiliskipulags.

Skoðun og vöktun úr lofti með dróna er ný leið til kortlagningar og greiningar á ástandi mannvirkja og svæða. 

EFLA býður upp á þjónustu þar sem framkvæmdar eru skoðanir með drónum á nákvæman, öruggan og hagstæðan máta.

Notkun og meðhöndlun efna getur haft áhrif á heilsu og öryggi manna og umhverfi. Það er því lagaleg skylda atvinnurekenda að hafa til staðar öryggisblöð á íslensku fyrir öll varasöm efni sem notuð eru hjá fyrirtækinu. 

Sérfræðingar EFLU á sviði efnaverkfræði veita ráðgjöf og sjá um fræðslu varðandi efnastjórnun og efnaáhættumat.

Fráveitur og örugg veitukerfi eru ein af grunnstoðum nútíma velferðarsamfélags og er EFLA leiðandi í ráðgjöf á sviði fráveituhreinsunar, hönnunar veitukerfa og veitumannvirkja.

Granni gerir sveitarfélögum unnt að miðla mikilvægum upplýsingum til íbúa og þjónustuaðila á einfaldan og skýran hátt í gegnum kortavefsjá. Með Granna er unnt að vista upplýsingar er varða starfsemi sveitarfélagsins í miðlægan gagnagrunn og gera þær aðgengilegar fyrir viðeigandi starfsmenn á skýran og gagnvirkan hátt.

Vinsældir gróðurveggja hafa aukist mikið á undanförnum árum, m.a. vegna nýrrar tækni og aukinnar þekkingar varðandi uppsetningu og umhirðu slíkra veggja.

Hjá EFLU starfa sérfræðingar á sviði garðyrkjutækni, lýsingar, lagna og loftræsingar, sem sjá um hönnun, viðhald og uppsetningu á gróðurveggjum.

Í dag er gerð sú krafa til stofnana og fyrirtækja að bæði eigin starfsemi og ráðstöfun fjármuna sé hagað með þeim hætti að stutt sé við sjálfbæra þróun, ábyrga notkun auðlinda og að lagt sé af mörkum til loftslagsmála. Sérfræðingar EFLU aðstoða útgefendur grænna skuldabréfa að skilgreina verklag og draga saman nauðsynlegar upplýsingar varðandi græn verkefni.

Fyrirtæki sem geta valdið mengun með starfsemi sinni ber lagaleg skylda til að veita almenningi, félagasamtökum og stjórnvöldum upplýsingar um hvernig umhverfismálum er háttað í starfseminni sbr. reglugerð um grænt bókhald.

Sérfræðingar EFLU veita ráðgjöf við gerð græns bókhalds, útstreymisbókhalds og endurskoðun þess. Þá veitir EFLA einnig ráðgjöf við gerð losunarskýrslna vegna viðskiptakerfis um losunarheimildir. 

Sérfræðingar EFLU aðstoða fyrirtæki, stofnanir og sveitarfélög við stefnumótun í takt við heimsmarkmiðin 17 og aðstoða við að innleiða þau sem hluta af starfsemi sinni.  

Nú hafa stjórnvöld sett fram kröfur á sveitarfélög um að skila húsnæðisáætlunum til að varpa ljósi á stöðu húsnæðismála í sveitarfélaginu. Húsnæðisáætlunin þarf að taka tillit til næstu fjögurra og átta ára í senn ásamt því að uppfæra þarf áætlunina árlega.

Húsnæðisáætlun er heildstæð samantekt á stöðu húsnæðismála í sveitarfélögum og tekur á félagslegum, hagrænum og skipulagslegum þáttum. 

EFLA veitir alhliða ráðgjöf þegar kemur að jarðfræði og bergtækni fyrir margvíslega mannvirkjagerð. Sérfræðingar okkar búa yfir víðtækri reynslu á sviði jarðfræði og bergtækni bæði hvað varðar burðarþol, jarðeðlisfræði, hönnun, ráðgjöf og eftirlit. 

Eitt af því fyrsta sem þarf að gera við undirbúning framkvæmda er að huga að jarðtæknilegum aðstæðum, en slíkar grundvallarupplýsingar eru nauðsynlegar við hönnun mannvirkja af nánast hvaða tagi sem er. 

EFLA hefur mikla reynslu af framkvæmd og stjórnun jarðtæknirannsókna. Til slíkrar rannsóknarvinnu hefur EFLA yfir að ráða slagbor auk annars handbúnaðar og rekur jafnframt eigin rannsóknarstofu.

Á rannsóknarstofu EFLU starfa sérfræðingar í fremstu röð á sviði jarðtækni og hafa mikla reynslu af framkvæmd og stjórnun jarðtæknirannsókna. 

Kolefnisspor (e. carbon footprint) er samantekt á losun gróðurhúsalofttegunda vegna beinna og óbeinna athafna mannsins. Hjá EFLU starfar hópur sérfræðinga með áralanga reynslu af útreikningi á kolefnisspori, gerð vistferilsgreininga og tengdri ráðgjöf. 

EFLA veitir ráðgjöf á sviði korta og kortagrunna sem unnir eru í hugbúnaði eins og ArcGis, Microstation og Autocad. Sérfræðingar EFLU búa yfir faglegri reynslu og mikilli þekkingu er varðar vinnslu korta og kortagrunna. 

Við gerð framtíðaráætlana er mikilvægt að hafa góða yfirsýn og styðjast við góða greiningu á forsendum. Með kortlagningu á tegund og dreifingu gistirýma fæst góð yfirsýn yfir stöðuna sem unnt er að byggja á við stefnumótun og markmiðasetningu í málaflokknum.

Sérfræðingar EFLU búa yfir mikilli alhliða þekkingu og víðtækri reynslu á sviði forsendugreininga, kortlagningar í landupplýsingakerfi og framkvæmd fjölbreyttra verkefna sem snúa að ferðaþjónustu, landupplýsingakerfum, kortlagningu og skipulagi.

Við hönnun og uppbyggingu grænna svæða er mikilvægt að efni og tegundir séu valin með hliðsjón af þeim tilgangi sem svæðinu er ætlað að uppfylla og álagi. 

Hjá EFLU starfa sérfræðingar sem veita ráðgjöf varðandi hönnun, uppbyggingu og rekstur opinna og grænna svæða.

Undir landslagsarkitektúr fellur öll meðferð og mótun lands, allt frá skipulagi stærri svæða, skipulagsuppdráttum og yfir í hönnun á manngerðu umhverfi. Með góðri landslaghönnun er stuðlað að því að auðga umhverfið með notagildi, fagurfræði og sjálfbærni í huga. Vönduð hönnun skilar sér í markvissum framkvæmdum og sparnaði þegar að upp er staðið. 

Þverfagleg ráðgjöf EFLU gerir það að við getum veitt heildarlausnir við vinnslu verkefna í nánu samstarfi við verkkaupa.

Mat á loftgæðum með notkun loftgæðalíkana er matsaðferð sem nýtist vel við að meta áhrif framkvæmdar á loftgæði og til að athuga hvernig framkvæmdin samlagast öðrum uppsprettum mengunar í nágrenninu.

Sérfræðingar EFLU veita ráðgjöf varðandi loftgæði þannig að auðveldara er að meta áhrif mismunandi lausna við hönnun og skipulag og finna þann valkost sem hefur minnst áhrif á umhverfið.

Matarspor er þjónustuvefur fyrir mötuneyti og matsölustaði þar sem reikna má út og bera saman kolefnisspor mismunandi máltíða og rétta. Kolefnisspor máltíðanna er sett í samhengi við það hversu langt þyrfti að aka fólksbíl til að losa sama magn gróðurhúsalofttegunda. 

Hjá EFLU starfa sérfræðingar sem veita alhliða ráðgjöf varðandi hönnun ofanflóðavarna.

Við undirbúning og hönnun varnarmannvirkja er lögð áhersla á langan endingartíma þeirra og lágmörkun viðhalds.  

Samfélagsleg ábyrgð fyrirtækja og stofnana felur í sér að þau skipuleggi starfsemi sína með markvissum hætti þannig að áhrif þeirra verði jákvæð fyrir samfélagið.

EFLA aðstoðar fyrirtæki við að setja fram sín samfélagslegu málefni og innleiðingu samfélagsábyrgðar. 

Við staðarval og valkostagreiningu þarf oft að taka tillit til margra ólíkra sjónarmiða og áhrifaþátta sem snúa að hagkvæmni og líftíma framkvæmda. Hjá EFLU starfa sérfræðingar með mikla reynslu og þekkingu í landupplýsingakerfum og staðarvali fyrir ólíkar framkvæmdir.

Atvinnurekstur og framkvæmdir sem geta haft í för með sér mengun þurfa sérstakt starfsleyfi vegna rekstursins.

Sérfræðingar EFLU veita ráðgjöf á rekstartíma varðandi kröfur starfsleyfa, t.d. umhverfismælingar, umhverfisvöktun, grænt bókhald, umhverfisskýrslugerð og annað sem upplýsa þarf leyfisveitanda um.

Rannsóknarstofa EFLU framkvæmir alhliða vöktunar­mælingar og efnagreiningar á vatni, t.d. í frárennsli matvælafyrirtækja, kælivatni iðnfyrirtækja og skolpfrárennsli frá sveitarfélögum. 

Jafnframt framkvæmir rannsóknarstofan greiningar á loftgæðum, raka og myglu í húsnæði, gasmælingar frá urðunarstöðum og mælingar á mengun og næringarefnum í jarðvegi.

EFLA hefur starfrækt rannsóknarstofu á annan áratug og hafa sérfræðingar hennar öðlast mikla reynslu og þekkingu á frárennsli, mengunar- og efnagreiningum. 

Fyrirtæki, stór sem smá, taka í æ ríkari mæli ábyrgð á eigin áhrifum á umhverfið. 

Sérfræðingar EFLU hafa áralanga reynslu af að aðstoða fyrirtæki og stofnanir við að taka á umhverfismálum í sínum rekstri, allt frá stefnumótun til innleiðingar á heildstæðri vottaðri umhverfisstjórnun, t.d. skv. ISO 14001.

Umhverfismat áætlana felst í því að meta líkleg áhrif skipulags- og framkvæmdaáætlana á umhverfið. Niðurstöðurnar eru nýttar til að draga úr neikvæðum umhverfisáhrifum framkvæmda. 

EFLA sinnir gerð umhverfismats áætlana fyrir einstaklinga, fyrirtæki, stofnanir og sveitarfélög.

Með umhverfisvöktun er fylgst með árangri fyrirtækja gagnvart lagalegum kröfum líkt og starfsleyfis ásamt því að vera lögbundinn upplýsingaréttur almennings.

Sérfræðingar EFLU hafa mikla reynslu og þekkingu hvað varðar umhverfis­vöktun fyrirtækja ásamt greiningu og birtingu gagna.

Með réttri uppbyggingu og umhirðu íþróttasvæða má auka álagsþol valla og þar með notkun og endingartíma. 

Sérfræðingar EFLU veita alhliða ráðgjöf varðandi uppbyggingu og rekstur íþróttasvæða, s.s. golf- og knattspyrnuvalla.

Stöðugt fellur til úrgangur og endurvinnsluefni hjá heimilum, fyrirtækjum og stofnunum. Samfélagið og lagaumhverfið kalla í auknum mæli á að dregið sé úr myndun úrgangs og að úrgangi sé skilað til endurvinnslu.

EFLA aðstoðar sveitarfélög og fyrirtæki við að finna hagkvæmar lausnir bæði út frá kostnaðarlegum, rekstrarlegum og umhverfislegum sjónarmiðum. 

Vatnsauðlind Íslendinga er ein af okkar mikilvægustu verðmætum og þarf nýting hennar að byggja á skynsemi og vönduðum vinnubrögðum. 

Ráðgjafar EFLU í vatnsveitum hafa mikla reynslu af hönnun vatnsveitumannvirkja og lagnakerfa. 

Val á svæðum fyrir nýtingu á vindorku getur verið flókið ferli þar sem taka þarf tillit til margvíslegra þátta sem hafa ólík og mismikil áhrif á staðarvalið. Undanfarin ár hafa sérfræðingar hjá EFLU unnið fjölmörg verkefni tengd vindorku og öðlast reynslu og færni sem getur nýst sveitarfélögum við staðarval, stefnumótun og undirbúning slíkra verkefna.

EFLA er leiðandi ráðgjafi í gerð vistferilsgreininga (e. Life Cycle Assessment) á Íslandi. Vistferilsgreining eða lífsferilsgreining er aðferðafræði sem notuð er til að meta umhverfisáhrif vöru eða þjónustu yfir líftímann („frá vöggu til grafar“) og til að reikna út vistspor eða kolefnisspor vöru og þjónustu.

Markmið vistvænnar hönnunar og vottunar er að byggingar og innviðir hafi sem minnst umhverfisáhrif á líftíma sínum, séu heilsusamlegir fyrir notendur og að viðhaldsþörf verði sem minnst.

EFLA hefur séð um þjónustuútboð fyrir viðskiptavini. Bæði er um að ræða þjónustu sem skylt er að bjóða út samkvæmt lögum um opinber innkaup eða veitutilskipun eða þá útboð sem verkkaupi ákveður sjálfur að bjóða út. 

Með þrívíddarskönnun er hægt að búa til þrívíð módel af byggingum og mannvirkjum. Slík módel má nýta til uppmælinga, skrásetningar og hönnunar.

EFLA hefur yfir að ráða einum öflugasta þrívíddarskanna landins sem er af gerðinni Trimble TX8 og hefur víðtæka reynslu af skönnun verkefna í þrívídd.

Notendavæn miðlun raunheima til skoðunar og mælinga.

Mikil framför hefur verið í öryggismálum á Íslandi undanfarin ár. Við allar framkvæmdir þarf öryggisstjórnun.

Hjá EFLU starfa sérfræðingar sem hafa mikla reynslu af öryggismálum framkvæmda. Í hverju verkefni felast áhættur sem þarf að greina til að koma í veg fyrir slys og önnur óhöpp í framkvæmdinni.