Fólkið okkar

Starfsfólkið er verðmætasta auðlind okkar og leggjum við mikla áherslu á að því líði vel í vinnunni, njóti jafnréttis og fái tækifæri til að þroskast í starfi. Við störfum í krefjandi umhverfi þar sem verkefnin eru fjölbreytt og síbreytileg. Við sækjumst eftir því að hafa kraftmikið og metnaðarfullt fólk sem skarar fram úr á sínum sviðum.

Hjá okkur starfa ólíkir einstaklingar með fjölbreyttan bakgrunn, allt frá nýútskrifuðum starfsmönnum til reynslubolta með áratuga reynslu í faginu. Það sem allir okkar starfsmenn eiga sameiginlegt er eldmóður og metnaður til að finna bestu mögulegu lausn verkefnanna.

Við erum stolt af því að hafa fengið vottun á jafnlaunastaðlinum sem staðfesti að unnið er markvisst gegn kynbundnum launamuni. Vinnustaðagreiningar, sem framkvæmdar eru reglulega, staðfesta þann góða starfsanda sem ríkir í fyrirtækinu. Starfsmenn hafa sveigjanlegan vinnutíma og stuðlum við að því að fólk gæti jafnvægis milli einkalífs og vinnu.

Aðstaðan

Lögð er mikil áhersla á að skapa gott starfsumhverfi þar sem eldmóður, fagmennska og samvinna er höfð að leiðarljósi. Góð samvinna er á milli sviða og svæða, bæði á Íslandi og við erlendu skrifstofurnar. Mikið er lagt upp úr góðri innivist, unnið er í opnum vinnurýmum en fjölbreytt fundar- og vinnuherbergi eru til staðar bæði fyrir stutta fundi og stærri vinnufundi.

Í hugarflugsherberginu getur starfsfólk þróað áfram hugmyndir í hvetjandi umhverfi. Mikill metnaður er lagður í að lágmarka neikvæð áhrif starfseminnar. Þannig flokkum við allt rusl sem fellur til, starfsfólki er umbunað fyrir að koma „grænir til vinnu“, upplýsingar um kolefnisspor máltíðar er gefið upp í mötuneytinu og haldið er grænt bókhald.

Menningin

Við leggjum áherslu á góðan starfsanda og temjum okkur jákvætt hugarfar, sýnum hvert öðru virðingu og vinnum saman að lausnum sem stuðla að framförum viðskiptavina og efla samfélög. Við treystum starfsfólkinu okkar, veitum því tækifæri til að axla ábyrgð og þjálfum það hratt og örugglega til ábyrgðar.

Nýsköpun og þróun er okkur afar hugleikin og allir starfsmenn eru mikilvægir hlekkir í keðjunni. Við störfum saman, samskiptin eru opin og í sameiningu gerum við allt mögulegt. Öll starfsemin byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði.

Vellíðan

Lögð er mikil áhersla á að skapa farvegi innan fyrirtækisins sem stuðla að aukinni hæfni hvers starfsmanns. Vellíðan starfsfólks skiptir þar miklu máli og er lögð mikil áhersla á góðan starfsanda sem byggir á virðingu og góðum samskiptum. Hvatt er til samvinnu innan EFLU og að starfsmenn leiti hver til annars og deili þekkingu sinni og reynslu.

Hjá okkur er frábært mötuneyti þar sem hægt er að fá hollan og nærringarríkan hádegisverð auk þess sem boðið er upp á ferska ávexti daglega. Veittir eru styrkir til íþróttaiðkunar og boðið er upp á árlegt heilsueftirlit. Starfsmenn eru hvattir til að mæta grænir til vinnu, hlaupandi, gangandi, hjólandi eða með strætó og fá greiddan samgöngustyrk fyrir að nota vistvænan samgöngumáta. Á vinnustaðnum er góð sturtuaðstaða og hjólageymsla.

Félagarnir

Starfsmennirnir halda uppi virku og afar fjölbreyttu félagslífi. Öflungur, starfsmannafélag EFLU, stendur fyrir ýmsum viðburðum og lagt er upp úr fjölskylduvænum samverustunum með vinnufélögum. Starfræktar eru margar nefndir sem standa fyrir námskeiðum, fjallgöngum, tónleikum, leik- og bíósýningum, útilegum og bjórkvöldum svo fátt eitt sé nefnt.

Ávinningurinn af öflugu félagslífi er mikill og þar hittist fólk alls staðar úr fyrirtækinu, vinasambönd myndast og starfsandinn verður enn betri fyrir vikið.

Vinnustaðurinn og félagarnir

Vilt þú sækja um starf?

Við erum alltaf að leita að áhugasömu og hæfileikaríku starfsfólki. Ef þú vilt slást í hópinn hvetjum við þig til að sækja um vinnu hjá okkur. Hægt er að senda okkur almenna umsókn eða sækja um auglýst störf.

Öllum umsóknum verður svarað og farið með þær sem trúnaðarmál. Einnig er velkomið að senda fyrirspurn til okkar um störf.

Skoða starfasíðu