Fólkið okkar

EFLA vill fá til liðs við sig kraftmikið og metnaðarfullt fólk, sem skarar fram úr á sínum sviðum. Hjá okkur starfa ólíkir einstaklingar með fjölbreyttan bakgrunn, allt frá nýútskrifuðum starfsmönnum til reynslubolta með áratugareynslu í faginu. Það sem allir okkar starfsmenn eiga sameiginlegt er eldmóður og metnaður til að finna bestu mögulegu lausn verkefnanna.

EFLA leggur áherslu á að veita starfsmönnum sínum svigrúm til að þróast áfram í sínu starfi og sýna frumkvæði. Vinnutíminn er sveigjanlegur og fjölskylduvænn.

Aðstaðan

Við leggjum mikið upp úr aðstöðu og aðbúnaði starfsmanna svo öllum líði vel í vinnunni. Allir starfsmenn vinna í opnu vinnurými og lagt er upp úr góðri samvinnu milli sviða og svæða.

Boðið er upp á fjölbreytt úrval fundarherbergja, afslöppunarherbergi og afþreyingarsvæði bæði fyrir starfsmenn og börn starfsmanna.

Menningin

Við temjum okkur jákvætt hugarfar, sýnum hugrekki og reynum að koma fram með lausnir sem stuðla að framförum. Við treystum starfsfólkinu okkar og þjálfum það hratt og örugglega til ábyrgðar.

Nýsköpun og þróun er okkur afar hugleikin og allir starfsmenn eru mikilvægir hlekkir í keðjunni. Við störfum saman, samskiptin eru opin og í sameiningu gerum við allt mögulegt.

Vellíðan

Við vitum hvað það skiptir miklu máli fyrir líkamlega og andlega vellíðan að borða hollan mat og stunda reglulega hreyfingu. Þess vegna leggjum við okkur fram við að skapa vinnuumhverfi sem hvetur til þess.

Frábært mötuneyti er á staðnum, föstudagsmorgunmatur, litlar kaffistofur og ávextir eru í boði allan daginn. Veittir eru styrkir til íþróttaiðkunar og boðið er upp á árlegt heilsueftirlit.

Starfsmenn eru hvattir til að mæta grænir til vinnu, hlaupandi, gangandi, hjólandi eða með strætó og fá greiddan samgöngustyrk fyrir að nota vistvænan samgöngumáta.

Félagarnir

Starfsmennirnir halda uppi virku og afar fjölbreyttu félagslífi. Öflungur, starfsmannafélag EFLU, stendur fyrir ýmsum viðburðum og hvetur starfsmenn til dáða með niðurgreiðslu á ýmsa viðburði sem haldnir eru á vegum starfsmannafélagsins. Starfræktar eru ýmsar nefndir sem standa fyrir námskeiðum, fjallgöngum, tónleikum, leik- og bíósýningum, útilegum og bjórkvöldum svo fátt eitt sé nefnt.

Ávinningurinn af öflugu félagslífi er mikill og þar hittist fólk alls staðar úr fyrirtækinu, vinasambönd myndast og starfsandinn verður enn betri fyrir vikið.

Viltu sækja um starf?

Við erum sífellt að leita að áhugasömu og hæfileikaríku starfsfólki og hvetjum áhugasama um að sækja um starf. Hægt er að fylla út almenna umsókn með því að smella á „sækja um“ hnappinn. Öllum umsóknum verður svarað og farið með þær sem trúnaðarmál. Einnig er velkomið að senda fyrirspurn á netfangið: job@efla.is

Sækja um