Göngu- og hjólabrú við Ullevaal | Osló
Hönnun á nýju mannvirki við Ullevaal leikvanginn í Osló
Hönnun á nýju mannvirki við Ullevaal leikvanginn í Osló, útfærsla á grunnskipulagi svæðis og gerð verkgagna. Stálbrú, steyptir rampar, göngu- og hjólastígar, vatns- og fráveitukerfi, dren, meðhöndlun yfirborðsvatns, raf- og fjarskiptalagnir í jörð, lýsing, landmótun, jarðtækni, mengunarmælingar og úttekt á byggingum á framkvæmdasvæðinu.
Upplýsingar um verkefnið
Verkkaupi
Norska vegagerðin (Austursvæði) og Oslóborg
Verktími
2015 hófst vinna og er enn í gangi
Staðsetning
Osló, Noregi
Tengiliður
Magnús Arason Byggingarverkfræðingur M.Sc. Sími: +354 412 6158 / +354 665 6158 Netfang: magnus.arason@efla.is Reykjavík
Um hvað snýst verkefnið
Megintilgangur verkefnisins er að bæta umferðaröryggi og aðgengi fyrir gangandi og hjólandi vegfarendur við gatnamót Ring 3 og Sognsveien. Ný brú er hönnuð yfir báðar göturnar og kemur í stað bráðabirgðabrúa sem byggðar voru árið 1990.
Bráðabirgðabrýrnar uppfylla ekki lengur þarfir gangandi og hjólandi vegfarenda á svæðinu.
Mikil umferð er um svæðið og mikið er af lögnum og búnaði í jörðinni við gatnamótin. Taka verður tillit til nærliggjandi mannvirkja og stofnanna, t.d. Ullevaal leikvangsins, Norges Geoteknisk Institutt og Blindern framhaldsskólans á framkvæmdatíma. Mikil áhersla er lögð á nákvæma fasaskiptingu framkvæmdatímans svo nærliggjandi starfsemi og vegfarendur verði fyrir sem minnstri truflun.
Ný göngu- og hjólabrú yfir gatnamótin við Ullevaal leikvanginn:
- Stálbrú með kassalaga þversniði með EPS römpum, grunduð á staurum (allt að 50 m löngum)
- Lengd brúar = 290 m í 18 höfum, lengd rampa = 116 m
- Heildarbreidd brúar = 7,2 m, vegbreidd (gangstétt + hjólastígur) = 6 m
- Tvö meginhöf, yfir Ring 3 = 37,5 m og yfir Sognsveien = 27,5 m
Framkvæmdir hófust haustið 2017 og er áætlað að þeim ljúki síðla árs 2019.
Yfirlitsmynd af göngu- og hjólabrúnni. Mynd: Ullevaal stadion.
Umhverfismál
Reyndir brúararkitektar, BEaM, voru samstarfsaðilar í þessari útfærslu á brúarmannvirkjum. Landslagshönnun var í höndum EFLU og áhersla var lögð á samspil ólíkra þátta í arkitektúr mannvirkisins. Umhverfis- og jarðtæknilegar grunnrannsóknir og verklýsingar fyrir meðhöndlun á menguðum jarðefnum voru hluti af verkefninu.
Hlutverk EFLU
- Verkefnastýring og samhæfing með ytri aðilum verksins
- Ný göngu- og hjólabrú, útfærsla á grunnlausn og fullnaðarhönnun
- Önnur samliggjandi mannvirki
- Flutningur á Sognsveien og gerð hringtorgs sunnan við Ring 3
- Nýtt göngu- og hjólastígakerfi á svæðinu
- Götu- og brúarlýsing
- Lagning kapla
- Dren og meðhöndlun yfirborðsvatns
- Landslagshönnun
- Skipulag framkvæmdar í fasa
- 3D samræmingarmódel
- Verklýsingar fyrir útboðsgögn
- Grunnrannsóknir
- Framkvæmdaeftirlit
Ávinningur verkefnis
Langtímaávinningur verkefnis liggur í bættu umferðaröryggi ásamt tímasparnaði fyrir gangandi og hjólandi vegfarendur í þessum hluta Oslóar.
Ný göngu- og hjólabrú yfir gatnamótin við Ullevaal leikvanginn. Myndir frá Nils Petter Dale
Lengd brúar er 290 m í 18 höfum
Brúararkitektarnir, BEaM, voru samstarfsaðilar EFLU
Á brúnni eru bæði hjóla- og göngustígar
Langtímaávinningur verkefnis liggur í bættu umferðaröryggi
Tvö meginhöf, yfir Ring 3 = 37,5 m og yfir Sognsveien = 27,5 m
Yfirlitsmynd frá svæðinu