Verkefnastjórnun

Jarðvarmi og jarðfræðirannsóknir í Tyrklandi

Maspo Enerji, Jarðvarmavirkjun, segulsviðsmælingar, framkvæmdaáætlun, Rannsóknarverkefni

EFLA var fengin til að yfirfara allar jarðfræðirannsóknir og skýrslur um mögulega nýtingu á jarðvarma til raforkuframleiðslu fyrir Maspo Enerji í Tyrklandi. Hlutverk EFLU var að staðfesta hugmyndalíkan út frá nýjum segulsviðsmælingum og staðsetja næstu vinnsluholur til að ná að lágmarki 25 MWe raforkuframleiðslu. 

Upplýsingar um verkefnið

Verkkaupi
Maspo Enerji

Verktími
2014 - 2015

Staðsetning
Gidis Graben, Tyrkland

Tengiliður

Um hvað snýst verkefnið

Maspo Enerji keypti jarðhitaréttindi af MTA í Tyrklandi sem hafði rannsakað jarðhitasvæðið ítarlega áður en boranir hófust. MTA boruðu nokkrar borholur og töldu að svæðið myndi standa undir 100MWe raforkuframleiðslu. Eftir að Maspo tók við verkefninu og voru boraðar tvær vinnsluholur til að staðfesta austur hluta vinnslusvæðisins.

Þá voru efnagreiningar yfirfarnar og afköst mæld á núverandi vinnsluholum, orkulíkan sett upp fyrir vinnslurás sem miðast við tvo 12,5 MWe tvívökva (Binary) áfanga.

Umhverfismál

Prófanir á vinnsluholum eru framkvæmdar í samræmi við tyrknesk lög sem eru frábrugðin reglum og venjum á Íslandi. Allur vinnsluvökvi sem þarf til að reka 12,5 MWe virkjun verður að skila aftur 100% í jarðhitageyminn en gösum er hleypt út í andrúmsloftið. Vegna mögulegrar útfellingar á steinefnum í vinnsluvökva þá er gert ráð fyrir að dæla íblöndunarefnum í borhluna til að hindra útfellingu. 

Hlutverk EFLU

Maspo óskaði eftir að EFLA skoðaði fyrirliggjandi gögn um allar rannsóknir og prófanir sem voru gerðar á svæðinu og endurskoða hugmyndlíkan fyrir raforkuvinnslu. EFLA samdi við Maspo ásamt Geologica, William Cumming og Isor voru innan handar við að rýna niðurstöður og skýrslur. 

Hlutverk teymis EFLU var að stjórna prófunum á borholum, reikna vermi, gera kostnaðarmat og meta leggja fram líkan til staðfestingar að fyrirliggjandi borholur standi undir 12,5 MW Binary orkuveri. EFLA aðstoðaði Maspo einnig í viðræðum um fjármögnun og skilgreiningum fyrir búnað vegna útboða fyrir búnað og verktaka.


Var efnið hjálplegt? Nei